Nota de prensa:
O Pleno municipal aprobou a adhesión ao convenio de colaboración asinado entre a Consellería de Presidencia, Secretaria Xeral de Modernización e Innovación Tecnolóxica e a Federación Galega de Municipios
O CONCELLO DE CERVO IMPLANTARÁ A ADMINISTRACIÓN ELECTRÓNICA EN COLABORACIÓN COA XUNTA DE GALICIA
* Unha ordenanza determinará a relación de dereitos e deberes que administracións e cidadáns terán que cumprir nas súas relacións a través de internet.
* A idea principal é implantar progresivamente todo un catálogo de servizos dixitais desde tramitación de licenzas, solicitudes, e a gran maioría dos actos administrativos a través da rede internet, ata o taboleiro de notificacións e rexistro de documentos electrónico, ou un espazo web no que comprobar o estado dos expedientes administrativos.
* O Concello de Cervo xa lidera, entre as entidades locais da Mariña, outros espazos de internet como é o caso das redes locais facebook, twiter ou o portal multimedia youtube nos envorca todo tipo de información sobre as actividades municipais.
Cervo, 29 de xaneiro de 2011.- Froito da constante preocupación que o Goberno municipal que preside Alfonso Villares veu mostrando ao longo dos últimos anos por prestar á cidadanía un mellor servizo; e no convencemento de que as novas tecnoloxías da información e das comunicacións fan posible achegar a administración local ata a sala de estar dos cidadáns ou ata as oficinas e despachos das empresas e profesionais; o Concello de Cervo implantará a administración electrónica no marco dun convenio de colaboración coa Xunta de Galicia.
e-administración, e-concellos
Grazas a este novo sistema de relación a través de internet- a e-adminitración desaparecerán moito dos actuais obstáculos cos que se atopa un cidadán que quere desenvolver calquera acto burocrático. Así por exemplo xa non será necesario sacrificar tempo e realizar desprazamentos ata as oficinas municipais, polo que desaparecerá o espazo que separa o domicilio dos cidadáns e empresas coas oficinas públicas do Concello.
A implantación da e-administración no Concello de Cervo será progresiva pero o obxectivo final é acadar múltiples vantaxes como é o caso da tramitación de licenzas, solicitudes, e a gran maioría dos trámites administrativos a través da rede internet. Tamén crearase un taboleiro de anuncios electrónico, co mesmo valor que o taboleiro tradicional, será posible acceder ao rexistro xeral municipal a través de procedementos electrónicos con igual validez e consultar en todo momento –previa identificación- a situación administrativa dos expedientes que teñan iniciado no concello.
Todas estas novas vantaxes, de implantación progresiva ao longo do desenvolvemento do programa de modernización tecnolóxica que o Concello de Cervo quere poñer en marcha en colaboración coa Xunta de Galicia, serán xa obxecto de regulación por parte da ordenanza municipal cuxa aprobación formalizouse na sesión plenaria do pasado xoves.
Adhesión ao convenio Xunta-FEGAMP
Nesta sesión tamén se levou a proposta de adhesión ao convenio Xunta-FEGAMP para o desenvolvemento da administración electrónica. Dita adhesión permitirá que a cooperación na transmisión da información entre as diferentes administración (provincial, autonómica, estatal e europea) sexa máis simple, áxil e efectiva; redefinindo o modelo de rexistro Portelo Único coa posta en marcha dun rexistro telemático que estará integrado no Rexistro Xeral e que posibilitará o envío de documentos aos concellos a través da firma dixital.
A administración autonómica garantirá a prestación do sistema de rexistro e información de todos os escritos e comunicacións dirixidos aos concellos a través das oficinas presenciais da Xunta e realizará os investimentos precisos, tanto en infraestruturas como en telecomunicacións, para que iso sexa posible.
O convenio asinado entre a Xunta e a Fegamp, que foi elaborado no marco do Plan eGoberno 2013 e levado aos municipios a través da iniciativa do goberno autonómico denominada Plan eConcellos , ten unha vixencia ata finais do ano 2013
Redes sociais
Esta non é a primeira vez que o Goberno municipal vai por diante na implantación de novos servizos aproveitando as tecnoloxías da información e das comunicacións. De feito nestes últimos anos, o O Concello de Cervo xa lidera, entre as entidades locais da Mariña, outros espazos de internet como é o caso das redes locais facebook, twitter, myspace, linkedin ou o portal multimedia youtube ou flickr nos envorca todo tipo de información sobre as actividades municipais.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
Os cortes de circulación aplicaranse desde as 12.15 horas ata a finalización da sesión vermú e, de novo, desde as 20.30 horas ata o remate das actividades festivas en ambas as dúas xornadas. O Concello agradece a comprensión da veciñanza e recomenda planificar os desprazamentos tendo en conta estas restricións temporais.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
Villares gabou o traballo realizado e subliñou que “a implicación do tecido social e dos veciños e veciñas é clave para transmitir as tradicións que forman parte da nosa identidade e reforzar os vínculos da comunidade”. Na xornada principal deste xoves destacou a ofrenda floral na honra dos mariñeiros falecidos. O venres e o sábado celebraranse o Festival Folklórico Internacional e o Festival Folklórico Infantil respectivamente, organizados polo Grupo Mistura.
