Nota de prensa
A empresa que executaba os traballos de construción desta infraestrutura solicitou a rescisión do contrato o que obriga á Xunta a abrir un novo proceso de contratación
BALSEIRO SE INTERESA NO PARLAMENTO POLA OBRA DE ACCESO AO PORTO DE BURELA E REXISTROU UNHA INICIATIVA URXENTE
o Os populares consideran prioritaria esta infraestrutura tanto para o porto Burela como para o conxunto da comarca e demandan coñecer as xestións que o Goberno galego efectuará para o seu impulso.
o Socialistas e nacionalistas que hoxe poñen o grito no ceo pola ralentización dos traballos gardaron un silencio cómplice cando a Xunta bipartita non corrixiu os factores que levaron a paralizar repetidamente os traballos e as condicións que levaron á empresa hoxe a pedir a rescisión do contrato.
A Mariña, 29 de xaneiro de 2011.- O deputado do Grupo Parlamentario Popular, Jose Manuel Balseiro Orol, presentou unha iniciativa urxente na Cámara galega na que se interesa polas xestións que a Xunta de Galicia ten previsto efectuar para reiniciar, “coa maior axilidade posible”, a construción da estrada de acceso ao porto de Burela.
Balseiro significa na súa iniciativa que tanto para os populares como para os actuais responsables do Goberno autonómico esta é unha infraestrutura considerada prioritaria, xa que resposta a unha demanda do sector pesqueiro e dos usuarios do porto de Burela, así como dos veciños en xeral, “sabedores de que o novo vial contribuirá a mellorar a circulación no contorno urbano deste concello desviando o paso de vehículos pesados que actualmente están obrigados a transitar polo centro da vila”.
REPENTINO INTERESE DO BIPARTITO
O deputado popular considera “falso e forzado o repentino interese” de socialistas e nacionalistas “que hoxe poñen o grito no ceo pola ralentización dos traballos” mentres que –na súa opinión- “gardaron un silencio cómplice durante os pasados anos “cando a Xunta bipartita non corrixiu os factores que levaron a paralizar repetidamente estes traballos e non deu solución ás condicións que levaron á empresa hoxe a pedir a rescisión do contrato”.
Balseiro lembra de feito que esta obra comezou a xestarse xa no ano 1993 e que foi no 1997 –cun Goberno popular na Xunta e no concello- cando inicou os trámites para a súa construción coa modificación puntual das Normas Subsidiarias de Pleneamento. Desde entón esta infraestrutura sufriu inumerables obstáculos que impediron que se levara adiante o proxecto, “sen que foran resoltos con axilidade polo bipartito, circunstancia que agora demandan”. Así por exemplo aparición de restos arqueolóxicos, diversos contenciosos iniciados por un particular contra o trazado da vía, e finalmente a necesidade de modificar o proxecto para adaptalo ao Plan Xeral, salvar unha zona de desprendementos en O Cantiño e variar para elo a vía de FEVE.
O deputado popular insiste no compromiso da súa formación política con esta infraestrutura, significa que unha vez máis terá que ser un Goberno popular quen a faga realidade e dea solución aos problemas herdados e sinala que coa súa execución serán máis de 8.600 as e os veciños beneficiarios, ademáis da actividade económica dun dos principais portos pesqueiros do Cantábrico.
Os cortes de circulación aplicaranse desde as 12.15 horas ata a finalización da sesión vermú e, de novo, desde as 20.30 horas ata o remate das actividades festivas en ambas as dúas xornadas. O Concello agradece a comprensión da veciñanza e recomenda planificar os desprazamentos tendo en conta estas restricións temporais.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continúa o sábado, a partir das 19.00 horas, coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
As persoas asistentes poderán degustar a tradicional merluza de pincho preparada en diversas elaboracións, nun ambiente festivo que se completará con animación musical para gozar dunha noite de sabor, encontro e bo ambiente.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
