Nota de prensa
740 rapaces da provincia coñecerán as orixes e técnicas dos oficios artesanais co CENTRAD
– O Centro de Artesanía e Deseño pon en marcha a programación de obradoiros portátiles 2011 en colexios de Parga, Triacastela, Castro de Rei e Vilalba
– A Deputación organiza este ano un total de 74 xornadas sobre instrumentos musicais, fabricación de papel, encadernación, monicreques, cestaría e tapiz
O Centro de Artesanía e Deseño (CENTRAD) da Deputación puxo en marcha este luns a programación de obradoiros portátiles para 2011 nos colexios da provincia. Concretamente, as primeiras xornadas iniciáronse en: CEIP de Parga (Guitiriz), Eduardo Cela (Tricastela), Ramón Falcón (Castro de Rei), e no Monseivane (Vilalba). En total, este ano o CENTRAD organiza 74 cursos sobre a elaboración de instrumentos musicais, fabricación de papel, cestaría, encadernación, monicreques, e tapiz, nos que participarán 740 rapaces.
A Deputación enviou a todos os centros de ensinanza da provincia unha invitación para participar de forma gratuíta neste programa co obxectivo de que os nenos coñezan as orixes e técnicas dos oficios tradicionais galegos. Os únicos requisitos para sumarse á iniciativa son: que os artesáns estén acompañados polo persoal do colexio durante as clases, e que o número de participantes de cada curso non supere os dez.
A día de hoxe, e mentres seguen a presentarse solicitudes, xa formularon a súa inscrición centros públicos, privados e concertados de Lugo, Castroverde, Monterroso, Outeiro de Rei, Mosteiro, Cospeito, Rábade, Burela, Cervo, Foz, Viveiro, Xove, Abadín, Castro de Rei, Guitiriz, Parga, Vilalba, A Pastoriza, Riotorto, Monforte, Quiroga, Ribas do Sil, O Saviñao, Baralla, Navia de Suarna, Sarria e Triacastela.
Novo obradoiro: “Modelado de arxila”
Por outra banda, a programación oficial de cursos do CENTRAD para 2011 dirixida ó público en xeral, continúa hoxe co inicio dun novo obradoiro: “Modelado de arxila”. 8 persoas cobren a cota de prazas dispoñibles. A actividade desenvolverase de maneira continuada ata o 11 de febreiro, de luns a venres, en horario de 17:00 a 21:00 horas. A maiores, celebrarase unha xornada o 18 deste mesmo mes, de 16:00 a 21:00 horas.
O artesán Pablo Mazoy ensinará ós participantes, durante as 45 horas de duración do obradoiro, aspectos técnicos e teóricos como: a variedade de arxilas e pastas, as ferramentas e o seu manexo, así como as técnicas de modelado, macizo, belisco e baleirado. Deste xeito, os participantes fabricarán pezas segundo as distintas técnicas aprendidas.
www.centrad.org
O Centro de Artesanía e Deseño oferta este ano un total de 74 obradoiros sobre cestaría, xoiería, cerámica, coiro, téxtil, artes do libro, packaging, -técnicas de empaquetado e presentación de produtos-, fotografía, vidro, e pedra. A programación oficial pode consultarse na páxina web www.centrad.org. Ademais, neste mesmo espazo tamén se pode realizar a inscrición. Este trámite é posible grazas o Innova-TE, o programa tecnolóxico da Deputación que implantará a Administración Electrónica en Lugo este verán a un nivel moi superior que en calquera outra provincia galega.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
