Nota de prensa
MÚSICA, TEATRO PARA ADULTOS, EXPOSICIÓNS E CINE SON ALGUNHAS DAS PROPOSTAS DA AXENDA CULTURAL DO CONCELLO DE RIBADEO PARA ESTE PRIMEIRO TRIMESTRE DE 2011. MAÑÁ SEGUIRÁ O CICLO MÁIS PRETO DE TI EN SANTALLA DE VILAUSENDE.
Ribadeo, 27 de xaneiro de 2011. Música, teatro para adultos, exposicións e cine son algunhas das propostas da axenda cultural do Concello de Ribadeo para este primeiro trimestre de 2011, segundo daba a coñecer a concelleira Mariluz Álvarez Lastra.
A edil nacionalista sinalou que “a nosa axenda habitual manténse segundo o que viñamos facendo últimamente e teremos actividades para todo o público, adultos, xóvenes e nenos, tanto na vila como nas parroquias. A axenda comeza este venres 28 de xaneiro co ciclo Máis preto de ti proxectando na escola de Santalla de Vilaosende a partires das 21:30 horas a película rodada en Rinlo Os mortos van á présa. Pouco a pouco imos levando este filme a todas as parroquias do concello”. Álvarez Lastra explicou que “o ciclo Máis preto de ti chegará tamén a Ove, a mediados do mes de febreiro, vai actuar o grupo de boleros Canere Son de Burela, que está acadando moita aceptación alí onde actúa. E para acabar a presenza da Área de Cultura nas parroquias este trimestre, o grupo de teatro afeccionado de Vilaronte Axóuxeres vai estrear a súa nova montaxe en Rinlo a finais de marzo”.
A concelleira de Cultura seguiu a relatar que “no ámbito da música as actividades dará comezo este sábado, e patrocinado pola Dirección Xeral de Política Lingüística, temos unha actividade dirixida aos máis novos. Ás seis da tarde no Cine Teatro vai haber un obradoiro de hip hop con rapaces e rapazas e unha hora máis tarde o concerto co grupo Azou. Os que queiran participar no taller deben anotarse chamando ao departamento de Cultura do Concello. Ademáis conectando coa participación de grupos de Ribadeo no Certame Música Xove da Deputación de Lugo a finais do trimestre teremos un dos concertos clasificatorios. E a música coral vai ter presenza cun concerto que recolle composicións de autores lucenses. Todas estas actividades musicais se completarán coas que realizan a Escola Municipal de Música, a Banda Sinfónica Municipal e a Coral Polifónica de Ribadeo”.
Durante este primeiro trismestre de 2011 continuará tamén as actividades destinadas aos máis pequenos, “seguirán as Letras vivas, un programa de animación á lectura que leva espectáculos de pequeno formato á nosa biblioteca municipal. Un dos contadores que máis éxito tivo, Pablísimo, abre a programación deste ano. Os nenos e nenas de Ribadeo, en domingo, van poder ver o teatro dos Ghazafellos coa súa montaxe Frankestein”.
Álvarez Lastra dixo que “quizáis o prato forte desta programación trimestral sexa o teatro para adultos con dúas citas importantes. O vindeiro 6 de febreiro ás 20:30 horas no auditorio Hernán Naval a compañía Espello Cóncavo traerá a Ribadeo a obra Limpeza de sangue, de Rubén Ruibal. E Cándido Pazó, que celebra o 50 aniversario da publicación do libro de Neira Vilas con Memorias das memorias dun neno labrego, estará en Ribadeo no mes de marzo. E remataremos cunha exposición de fotografía na OMIC, a foto social de Javier Bauluz estará na primeira quincena de marzo nunha mostra que patrocina a obra social de Cajastur”.
A concelleira de Cultura engadiu que “esta programa que hoxe presentamos coincidirá coas datas de celebración do antroido e polo tanto, en colaboración cos organizadores, imos dar difusión e publicidade a todas as actividades que se levarán adiante. Lembrar que as persoas que desexen información sobre a nosa axenda poden dirixirse ao departamento de Cultura, ubicado na rúa Viejo Pancho, ou á páxina web do Concello de Ribadeo”.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
