Nota de prensa:
VILLARES APROVEITA A VISITA DO CONSELLEIRO DA PRESIDENCIA PARA DESTACAR A BOA SINTONÍA ENTRE O CONCELLO E A XUNTA DE GALICIA
*
O rexedor valorou positivamente a visita institucional realizada hoxe por Alfonso Rueda ao concello
*
O titular de Presidencia aproveitou a súa estadía en Cervo para comprobar as obras de remodelación do parque Luís Seone e Díaz Pardo; e interesouse polo funcionamento do Servizo Municipal de Protección Civil, o cual cualificou de punteiro e modélico para o resto de Galicia.
Cervo, 24 xaneiro de 2010.- O alcalde de Cervo, Alfonso Villares, agradeceu a visita ao concello feita hoxe polo conselleiro de Presidencia, Administracións Públicas e Xustiza, Alfonso Rueda Valenzuela. Durante a súa estadía en Cervo o titular de Presidencia da Xunta de Galicia aproveitou para firmar no libro de honra do Concello e posteriormente dirixiuse xunto cos membros da corporación ao parque parque Luís Seoane e Isaac Díaz Pardo, ubicado a poucos metros da Casa Consistorial e que foi recentemente remodelado grazas a unha axuda da súa consellería de preto de 60.000 euros.
Posteriormente, a comitiva desprazouse ata as instalacións do Servizo Municipal de Protección Civil para coñecer aos traballadores deste servizo e aos membros do Grumir local. Alí, o conselleiro e o director Xeral de Emerxencias e Interior da Xunta, Santiago Villanueva, tiveron a oportunidade de charlar con Mario Antuña, responsable do servizo, quen lles informou do alto nivel de profesionalidade de todos os seus integrantes e das labores que desempeñan habitualmente; as cales se desenvolven en gran número fora do termino municipal.
Neste senso os responsables municipais puxéronlle de manifesto aos representantes autonómicos a aposta firme que leva facendo dende hai moitos anos o Concello de Cervo en materia de prevención de riscos.
Boa conexión
Alfonso Villares destacou a “boa conexión” existente entre os actuais xestores da Xunta de Galicia e o Concello de Cervo; e destacou o apoio e o interese amosado polo conselleiro de Presidencia “en todas e cada unha das peticións que lle levamos formulado dende Cervo”.
Cervo, modelo a seguir pola Xunta en materia de Protección Civil
Alfonso Rueda, pola súa parte, agradeceu a invitación feita polo consistorio cervense para visitar o concello “no que está á fronte un bo amigo dende xa hai moitos anos” e encomiou o traballo do Servizo de Protección Civil local. “Penso que é máis que de sobra coñecida a labor que se fai dende aquí; o que fai que Cervo sexa un concello punteiro en materia de Protección Civil e tamén un modelo do que queremos implantar para toda Galicia” dixo.
Neste senso Rueda lembrou que, unha vez os parques de bombeiros comarcais comecen a funcionar a partir de maio, o seguinte paso que se deberá abordar será o de complementalos cunha atención profesionalizada nos distintos concellos a través dos Grumir e dos servizos de Protección Civil “para que nos permita conseguir o obxectivo de poder das resposta a calquera urxencia nun prazo inferior ou igual a 20 minutos; e que calquera cidadán, viva onde viva, saiba que que ten un servizo de emerxencias que lle vai dar unha resposta eficaz nun tempo razoable” recalcou.
Na súa visita a Cervo o conselleiro de Presidencia estivo acompañado pola delegada territorial en Lugo, Raquel Arias e polo parlamentario autonómico e concelleiro cervense José Manuel Balseiro. Así mesmo estiveron presentes o resto da corporación municipal.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
O acto está organizado pola Asociación de Irmandade Locudy, nunha proposta cultural que pon o foco na relación entre Galicia e Bretaña a través da figura de Castelao.
Era o único ocupante do vehículo. O 112 Galicia tivo coñecemento do accidente uns minutos despois das 10:00 horas. Segundo indicou un particular, un coche caera por un desnivel duns 20 metros no quilómetro 2 da LU-P-6104. Desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Barreiros, á Garda Civil de Tráfico e á Agrupación de Voluntarios de Protección Civil de Trabada. Unha vez no punto, os servizos de emerxencias indicaron que había unha persoa falecida, único ocupante do vehículo, sen que nada se puidera facer por salvarlle a vida.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
