Nota de prensa
O Consorcio de Bombeiros da traballo a 114 persoas e reforza a cobertura contraincendios cara o 100% da provincia
– Besteiro e Rueda presidiron o Pleno no que se contratou a xestión indirecta dos parques de Barreiros, Viveiro e Vilalba a Veicar S.L, e os de Chantada, Sarria e Monforte á UTE Hasa-Natutecnia, últimos acordos para a posta en marcha das instalacións o 1 de maio
– As propostas destas adxudicatarias incrementan o número de efectivos, horas de servizo e de formación ó persoal
– Mañá, 25 de xaneiro, e durante 15 días, as adxudicatarias abren o prazo de solicitude para participar no proceso de selección do persoal
– Na sesión, tamén se aprobou a contratación dos derradeiros vehículos, completando o equipamento externo dos 6 parques de bombeiros
O Presidente da Deputación, José Ramón Gómez Besteiro, e o Conselleiro de Presidencia, Alfonso Rueda Valenzuela, informaron este luns do Pleno Extraordinario do Consorcio Provincial de Bombeiros celebrado no Pazo de San Marcos. Na sesión, adxudicouse a xestión indirecta das instalacións contraincendios de Barreiros, Viveiro, e Vilalba a Veicar S.L, e as de Monforte, Sarria e Chantada á UTE Hasa-Natutécnia (Hispania de Aviación S.A e Consultoría Natutecnia) por un prazo inicial de 8 anos que, tal e como establece a lei, pode prorrogarse un máximo de 15.
Gómez Besteiro salientou que “establecemos 2 criterios imprescindibles no concurso: a creación de emprego e a cobertura cara o 100% da provincia ós 365 días ó ano. As beneficiadas cumpren e melloran os requisitos marcados: contratarán un total de 114 efectivos, fronte ós 108 que fixamos como mínimo, que prestarán cobertura as 24 horas os 365 días do ano. Foi tamén vontade deste Consorcio, a posta en marcha das instalacións o 1 de maio, data na que 114 persoas comezarán a desenvolver o seu traballo de forma indefinida. Isto é unha moi boa noticia para a provincia nun momento no que estamos implicados na creación de emprego, e no que, dediquémonos ó que nos dediquemos, a nosa prioridade é o emprego”. Rueda Valenzuela destacou que a posta en marcha dos parques é “un exemplo de coordinación e traballo conxunto”, e subliñou o importante investimento realizado para que sexa unha realidade. Asímesmo, incidiu na importancia de que “a partires do 1 de maio, máis de 100 profesionais das emerxencias, perfectamente formados, estarán preparados para facer fronte ás emerxencias de toda a provincia”.
Cada parque de bombeiros terá 19 persoas: 12 bombeiros-condutores, 6 xefes de quenda-condutores, e 1 xefe de servizo, asegurando a cobertura as 24 horas e os 365 días do ano. Na zona norte, os parques de Barreiros, Vilalba e Viveiro darán cobertura a 25 Concellos: Abadín; Alfoz; Barreiros; Burela; Begonte; Cospeito; Cervo; Foz; Guitiriz; Lourenzá; Mondoñedo; Muras; O Valadouro; O Vicedo; Ourol; Outeiro de Rei; Pastoriza; Rábade; Ribadeo; Riotorto; Trabada; Vilalba; Viveiro; Xermade; Xove. Os de Chantada, Sarria e Monforte de Lemos (zona sur) prestarán servizo a outros 25: Antas de Ulla; Baralla; Becerreá; Bóveda; Corgo; Carballedo; Chantada; Guntín; Láncara; Monforte; Monterroso; O Incio; O Páramo; O Saviñao; Pantón; Paradela; Pobra do Brollón; Portomarín; Quiroga; Ribas de Sil; Samos; Sarria; Sober; Taboada e Triacastela.
O ámbito territorial adscrito a cada un destes parques terá independencia da súa actuación profesional se fose necesario, fóra dos límites do mesmo, a nivel comarcal e provincial, ou mesmo autonómico. A prestación do servizo incluirá: incendios; inundacións; accidentes de circulación; rescates e salvamentos; actividades de prevención, etc. “É dicir, actuarán en todo o ámbito provincial”, afirmou Gómez Besteiro.
Selección, formación e prazos
Mañá, 25 de xaneiro, as adxudicatarias abrirán o prazo de solicitude para participar no proceso de selección. Todos os interesados poderán formalizar a súa inscrición nos vindeiros 15 días. Como mellora do prego, e garantindo a obxectividade das probas, a UTE garante neste proceso a presenza de árbitros da Federación Galega de Atletismo e de Natación, a realización dun test de personalidade, entrevistas persoais e a cobertura médica. Posteriormente, comezarán coa formación do mesmo, que será de 425 horas fronte ás 250 horas como mínimo que se esixían. Ademais, cada efectivo recibirá ó ano 35 horas de formación continua. Pola súa banda Veicar, contará con técnicos do INEF, ofrecerá 300 horas de formación fronte ás 250 esixidas, e 40 de formación continua anuais.
As adxudicatarias rematarán a selección e a formación do persoal antes de maio, data na que o Consorcio garante o pleno rendemento dos parques de bombeiros. Para elo, este mes ou o vindeiro, o Pleno municipal de Monforte aprobará a incorporación das instalacións monfortinas ó Consorcio; a Xunta entregará tamén antes dun mes os parques recén construídos ó organismo, e a Deputación o equipamento adquirido. Consorcio fixou xa no anterior Pleno o mes de maio como a data de arranque dos parques. Deste xeito, no Orzamento 2011 existe unha partida de 2.597.000 euros, o presuposto total que recibirán ó longo deste ano as adxudicatarias, e que percibirán durante 8 meses, dende maio e ata decembro.
Vehículos adquiridos
O Pleno tamén aprobou a contratación dos derradeiros vehículos para os parques, concretamente un camión de rescate en altura de 26 metros que, coma mellora presentada, será de 32, outro desta mesma altura, e un camión BUL por valor de 1.321.084 euros. Deste xeito, todas as instalacións contraincendios contan xa co material externo necesario para a súa posta en marcha. A distribución é a seguinte: Barreiros, 1 camión de altura de 32 metros, 1 camión nodriza, 1 camión BUL e un vehículo de mando; Chantada, 1 camión de altura-mixto de 22 metros, 1 camión nodriza, 1 camión BUL, e 1 camión de mando; Sarria, 1 camión de altura-mixto de 22 metros, 1 camión nodriza, 1 camión BUL, e 1 camión de mando; Vilalba, 1 camión de altura de 27 metros, 1 camión nodriza, 1 camión BUL, 1 vehículo de altura; e Viveiro 1 Camión de altura de 27 metros, 1 camión nodriza, 1 camión BUL e 1 vehículo de mando.
Ó respecto do equipamento interno, é dicir: mobiliario, traxes de protección, ferramentas ou material informático…etc, o Consorcio contempla no Orzamento de 2011 unha partida de 962.717 euros para a súa adquisición. Este material achegarase ás instalacións de Viveiro, Chantada, Sarria e Vilalba, xa que ás de Barreiros contan con el.
No Pleno participaron ademais do Presidente e o Conselleiro, a Delegada territorial da Xunta en Lugo, Raquel Arias; o Director Xeral de Emerxencias e Interior da Consellería de Presidencia, Santiago Villanueva; o Subdirector Xeral de Seguridade e Coordinación do mesmo departamento, José Antonio Fernandez López; o Vicepresidente Primeiro da Deputación, Antón Bao; o Deputado da Rede Viaria Provincial, Juan José Díaz Valiño; e os Alcaldes de Barreiros, José Alfonso Fuente; Chantada, Manuel Taboada; Sarria, Claudio López Garrido; Vilalba, Gerardo Criado; e Viveiro, Melchor Roel.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
