Nota de prensa
A DELEGACIÓN DE SANIDADE REPARTIRÁ DESDE MAÑÁ IOGURES LÍQUIDOS NOS COLEXIOS DE BURELA. SONIA FRAGA DI QUE O OBXECTIVO É CONCIENCIAR AOS NENOS E AOS SEUS PAIS DA IMPORTANCIA DE INXERIR LÁCTEOS.
Burela, 14 de febreiro de 2011. A Delegación de Sanidade repartirá desde mañá iogures líquidos nos centros de ensino da vila. A edil Sonia Fraga explica que “dadas as estadísticas recentes, nas que se reflicte que se ve incrementada a inxesta de bebidas gaséoas e contraproducentes, queremos previr nós rapaces/as, coa toma de produtos lácteos, problemas adversos e axudar á correcta formación dos ósos e así evitar diversas enfermidades que se poidan desenvolver co paso dos anos”.
A actividade baséase na inxesta, cada quince días ata finalizar a etapa escolar 2010/2011, de iogures por parte dos alumnos/as dos colexios C.E.I.P. Vista Alegre e C.E.I.P. Virxe do Carme.
A concelleira de Sanidade sinala que “con este proxecto, preténdese chegar de forma directa a tódolos nenos/as en idade escolar, matriculados nos centros escolares do Concello de Burela. De maneira indirecta, a acción repercutirá en pais, nais, titores e no ámbitos social e familiar de tódolos nenos/as. Queremos concienciar aos rapaces/as e titores legais, da importancia da inxesta do leite ou iogur para a formación dos osos nos rapaces/as de idade temperá, e para a prevención de enfermidades”.
O reparto dos iogures líquidos nos colexios será mañá 15 de febreiro e os días 1, 15 e 29 de marzo; 5 e 26 de abril; 3, 18 e 31 de maio e 14 de xuño.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
