Nota de prensa:
As rutas do Km0 contribúen esta semana a impulsar a hostalería de Ribadeo, O Saviñao, O Incio e Samos
– A parada de 310 persoas en restaurantes destes catro Concellos favorecerá un sector fundamental na economía da provincia
– Integrantes do colectivo veciñal “Ramón Ferreiro” e da asociación de loita contra o cancro de Lugo visitaron hoxe a localidade ribadense e a da Ribeira Sacra
O programa de rutas Km0 da Deputación contribúe esta semana a impulsar o sector hostaleiro de catro Concellos: Ribadeo, O Saviñao, O Incio e Samos. Deste xeito, os case 310 participantes na iniciativa farán unha parada en restaurantes destas localidades, contribuíndo a manter a actividade dos negocios, e favorecendo un sector que dá traballo a centos de persoas na provincia.
As primeiras viaxes desta semana no marco do Km0 realizáronnas hoxe 48 integrantes do colectivo lucense de veciños “Ramón Ferreiro” que visitará Ribadeo, e outro grupo, tamén de 48 persoas, pertencentes á Asociación Española contra o Cancro de Lugo que farán un percorrido por O Saviñao. No primeiro caso, logo de ser recibidos no Pazo de San Marcos, visitarán o Centro de Artesanía e Deseño (CENTRAD) para desprazarse seguidamente, á localidade ribadense onde comerán no restaurante “Marinero”. Irán despois a Illa Pancha, dende onde iniciarán un paseo ata chegar ó forte de San Damián. Para rematar, percorrerán o casco histórico. Polo que respecta ó grupo da Asociación Española de Loita contra o Cancro, tras ser recibido tamén na Deputación, viaxará ata o Mazo de Santa Comba. A comida terá lugar no restaurante “Durán” de Escairón. Logo, está prevista unha visita ó miradoiro Cabo do Mundo, un paseo pola praia da Cova e unha cata na adega “Vía Romana” de Chantada.
A programación continuará mañá con rutas polos municipios de O Incio e Ribadeo. Da primeira gozarán 48 solicitantes individuais e comezará cunha visita ó Mazo de Santa Comba. De seguido, farán unha ruta de sendeirismo no “CTR O Cabazo” do Incio, e coñecerán San Pedro de Fiz de Hospital. No caso da visita a Ribadeo, foi demandada pola asociación de veciños “Área Recreativa de Saa” da Pobra do Brollón. Participarán 55 integrantes do colectivo, que comezarán a xornada no CENTRAD e viaxarán de seguido á vila mariñana para comer no restaurante “Oviedo”. Farán unha travesía marítima, subirán ó ascensor panorámico instalado no porto deportivo de Porcillán e, finalmente, visitarán o casco vello e o convento das Clarisas.
Para rematala semana, 55 alumnos do colexio de Riotorto e outras 55 integrantes da agrupación de mulleres autónomas de Lugo redescubrirán Samos e Ribadeo, respectivamente. Os escolares riotortenses comezarán por coñecer a Fundación TIC e visitarán despois a capela do Ciprés, a área recreativa Río Oribio e o Mosteiro de Samos. A comida será no establecemento samonense “A Pontenova”. En canto ó grupo de mulleres empresarias, desprazaranse ó CENTRAD e, xa en Ribadeo, comerán no restaurante “Marinero”, farán unha travesía pola ría, subirán no ascensor panorámico e percorrerán o casco histórico e o convento das Clarisas.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
