Nota de prensa
A XUNTA VAI PERMITIR CAZAR CASE TODO O ANO
23-F, a escopeta nacional: Juárez e Borregón autorizan a caza todo o ano
23 de febreiro de 2010. A consellería de Medio Rural permitirá batidas de xabarín dende xuño até xfebreiro para “combater” os perxuízos desta especie. Nove meses de caza ao ano e máis de 20.000 batidas autorizadas de antemán que non precisarán acreditar danos. Nisto consiste a “caza social”, un vello anceio dos cazadores máis cavernícolas que agora Conservación da Natureza vén de asumir. Tal proposta, inédita en calquera política ambiental seria, vai expulsar ou poñer en grave risco a integridade de todas as persoas que non sendo cazadores, frecuentamos o monte. Tamén causará graves danos a outras especies de fauna salvaxe, incluidas especies protexidas, que non terán o sosego necesario para se reproducir, ou cuxas crías serán devoradas polas xaurías dos cazadores. Con medidas coma esta, os responsábeis de Conservación da Natureza certifican unha vez máis a súa incompetencia para xestionar a biodiversidade galega: son o raposo a ter conta do galiñeiro!
A xustificación para o alongamento da actividade cinexética pretende, segundo a administración, rematar cos danos á agricultura, cando este sistema xa se amosou inútil para tal fin: cada ano autorízanse máis batidas e cada ano hai máis denuncias por danos, mesmo baixo a sospeita de seren feitas polos propios “cazadores-recolectores”, co obxecto de acadar autorizacións “extra” para realizar batidas á marxe da tempada oficial. A realidade é que a administración só pretende aforrar cartos en pago de danos e de paso dar gosto aos Tecores: para os cazadores, xestionar as especies cinexéticas debe ser un negocio que só de beneficios e teña cero custos e cero responsabilidades.
Con decisións coma esta, que abeira a inconstitucionalidade, a administración ambiental galega só pretende favorecer ao lobby da caza e aos seus negocios paralelos (venda de armas e complementos cinexéticos, por exemplo), en detrimento do resto da cidadanía que ten dereito a frecuentar o monte e da propia conservación dos recursos.
Os danos ocasionados polos animais salvaxes, nomeadamente o xabarín, relaciónase coa desaparición das especies cinexéticas clásicas (como coellos, perdices, lebres, etc.), co exterminio dos depredadores naturais (principalmente o lobo) pero sobre todo co abandono do rural. Por iso, cómpre primeiro poñer o monte en valor, diversificando os usos (os monocultivos de eucalipto e do millo teñen moito que ver coa proliferación do xabarín) e coidándoo racionalmente, limpando o exceso de mato durante o inverno o que tamén rebaixaría o risco de lumes. Sen actuar sobre estes factores, meter máis pólvora e máis chumbo no monte non solucionará o problema e afondará no desequilibrio ecolóxico destas áreas.
Por iso, esiximos que se destinen recursos a limpar os montes durante o inverno, fomentando a repoboación con frondosas, factores limitantes do mato, e obrigando aos Tecores a realizar plantacións disuasorias lonxe das zonas agrarias, alén de incentivar o valado das explotacións, entre outras medidas.
Facer o xogo ao lobby da caza concedendo máis batidas non soluciorará o problema, ao igual que destinar inxentes cantidades de cartos á extinción non diminuíu o número de lumes. Con medidas coma esta, os responsábeis de Conservación da Natureza certifican unha vez máis a súa incompetencia para xestionar a biodiversidade galega: son o raposo a ter conta do galiñeiro!
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
