Nota de prensa
AS BURELÁS POÑEN AS PINTURAS DE GUERRA PARA VISITAR O INTRATABLE PONTE OURENSE
As burelás poñerán as pinturas de guerra para o trepidante derbi autonómico que as agarda este sábado na visita ao intratable Ponte Ourense. O pavillón dos Remedios acollerá o duelo entre a segunda praza ourensá (45 puntos) e a cuarta mariñá (31) a partir das 17.00 horas.
Motivación e rivalidade reinarán na pista da cidade das Burgas por ambas as dúas bandas e non só pola condicición de cita galega. As burelás, que veñen de rozar a perfección ante o Móstoles, deben manter a distancia co quinto, Atlético de Madrid Navalcarnero (30), que recibe o Alcorcón (duodécimo); ademais as pupilas de Javier Pardeiro poden ter ao seu alcance o podio, coa terceira praza do Valladolid a tan só 1 punto, que visita esta fin de semana o Diamante-La Rioja (noveno). Tras a contundente vitoria ante as valisoletanas (0-11), as ourensás, pola súa banda, tamén teñen sede de escalada, coa primeira praza a 1 punto.
O conxunto laranxa conservará a seriedade e concentración demostradas ante o gran Móstoles, de traxectoria impoluta; non se deixará apoucar pola vertixe que provocan os números do Ponte Ourense, cos reforzos das internacionais Sarita e Ampi nesta tempada. No que vai de liga, tan só o líder foi capaz de vencer as das Burgas (4-2). Non entanto, as xogadoras de Pardeiro xa saben o que é vencer a este cadro; en setembro de 2010, o Burela FSF alzouse coa XX Copa Galicia, tras vencer na final ao Ponte (0-2).
Ro e Vanessa, que evolucionan segundo o previsto de cadansúa rotura fibrilar, serán as ausencias do banco mariñán para o sábado.
Afección. O club laranxa, en colaboración coa Delegación de Deportes do Concello de Burela, poñerá á disposición da afección un autobús e entradas gratuítas para a cita autonómica. Os seareiros/as poderán facer a súa reserva ata mañá nas oficinas do CD Burela FS (avenida Arcadio Pardiñas, número 97) ou enviando un correo electrónico a burelafs@burelafs.org, no que indiquen nome, apelidos e DNI. O bus partirá da estación burelá ás 10.30 horas do sábado.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
