Nota de prensa:
Expertos en turismo de Finlandia e Inglaterra analizarán a situación deste sector na Deputación
– O Salón de Actos acollerá o congreso de turismo “Destino Lugo”, no que se disertará sobre as distintas alternativas de coordinación para a promoción da provincia dende este eido
– O encontro, o 1º destas características que se realiza na provincia, contra con máis de 130 persoas inscritas do sector turístico público e privado, ademais de representantes do sector da hostalería e fundacións comarcais, entre outros
– O debate será retransmitido en directo a través da páxina web da Deputación: www.lugoterra.com
A Deputación acollerá dende mañá ata o xoves o 1º Congreso de Turismo “Destino Lugo”, que se celebra na provincia e no que participarán prestixiosos representantes deste sector a nivel europeo que analizarán a situación pola que atravesa o turismo lugués. O encontro está pensado para coñecer as distintas experiencias de países tan punteiro en promoción turística como Inglaterra ou Finlandia, e para crear un espazo de debate no que profesionais e administracións implicadas no sector no analicen distintas alternativas de coordinación para a promoción da provincia como destino turístico.
O Congreso dará comezo coa presentación do Plan Director de Turismo 2008-2011 da Deputación e coas ponencias dos directores de Desenvolvemento Turístico de Gran Bretaña, James Turner, e do Director da empresa encargada da organización de vendas do suroeste de Finlandia, Anne Marget Niemi de Turku. A segunda parte consistirá nun debate no que participarán a Vicepresidenta Terceira, María Xosé Vega Buján; os Presidentes do Padroado Provincial de Turismo e da Asociación Provincial de Empresarios de Hostalería de Lugo, Julio Álvarez e José María Real, respectivamente; a Presidenta da Asociación de Turismo Rural de Lugo Sur, Carmen Martínez; e o seu homólogo na Mariña, Manuel Vicente. O debate será retransmitido en directo a través da páxina web de turismo da Deputación: www.lugoterra.com.
O encontro rematará o día 10 coa participación dos representantes deste sector de varias cidades españolas con ampla experiencia no tema como: Valladolid, Segovia, Palma de Mallorca e Barcelona.
Nestes momentos, a organización conta con máis de 130 persoas inscritas do sector turístico público e privado de Lugo, ademais de Alcaldes e Concelleiros, representantes do sector da hostalería, casas de turismo rural, oficinas de turismo, restauración, fundacións comarcais ou empresas especializadas nesta materia. O Congreso tamén contará co servizo de tradución simultánea.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
