Nota de oprensa
O CONCELLO PROCEDERÁ DE INMEDIATO AO APUNTALAMENTO DA TORRE DOS MORENO DADO O PÉSIMO ESTADO NO QUE SE ATOPAN ALGUNHAS DAS COLUMNAS DO INMOBLE. ASÍ O VEN DE ANUNCIAR O ALCALDE, FERNANDO SUÁREZ. A EMPRESA QUE ADQUIRIU NOS ÚLTIMOS DÍAS O 50% DA PROPIEDADE ESTÁ DISPOSTA A COLABORAR.
Ribadeo, 9 de febreiro de 2011. O Concello procederá de inmediato ao apuntalamento da Torre dos Moreno dado o pésimo estado no que se atopan algunhas das columnas do inmoble, segundo un novo informe presentado hoxe polo arquitecto, Ernesto Cruzado. O alcalde, Fernando Suárez, tamén anunciou esta tarde que a empresa que adquiriu nos últimos días o 50% da propiedade está disposta a colaborar para sufragar estes traballos.
O rexedor subliñou que “o que máis nos preocupa neste momento é a situación estructural deste inmoble” e lembrou que “xa hai un mes decretei unha serie de medidas urxentes de cara a apuntalar a Torre dos Moreno. Para iso fixemos os traballos preparatorios previos e acordamos verbalmente coa Xunta o subministro dos puntais, pero en vista de que o deterioro se está a ver agravado nos últimos tempos e de que no día de hoxe o arquitecto Ernesto Cruzado rexistrou no Concello un informe no que advirte do pésimo estado dalgunhas das columnas que sustentan unha parte da Torre, desde o Concello non podemos agardar máis a que a Xunta se decida a axudarnos ou non. Polo tanto imos de maneira inminente a encargar os puntais necesarios para proceder ao seu apuntalamento nas vindeiras horas. Digo isto con toda a crueza porque, insisto, non podemos agardar máis a que en calquera momento unha destas columnas poida estalar e poida haber unha desgracia que nos afecte a todos”.
Na defensa da estabilidade do edificio
Fernando Suárez tamén se referiu á compra-venda do 50% da Torre dos Moreno, que tivo lugar nos últimos días, “a empresa compradora rexistrou hoxe un escrito no Concello dándose a coñecer formalmente, aprezo boa fé e ogallá sexa así. Están dispostos a colaborar neste apuntalamento da Torre de xeito inmediato na parte que a cada un lle corresponde, o Concello aportará o 21% e a empresa está disposta a colaborar coa súa parte. Xulgo isto coma unha boa noticia e unha vez que isto de apuntale xa, poidamos con máis calma dialogar para que isto sexa o principio do final da rehabilitación da Torre dos Moreno”.
O alcalde de Ribadeo considera que “as cousas non ocorren por que sí, a propiedade que lle vendeu a esta empresa quizáis o fixo presionada porque desde o Concello decidimos hai un par de meses cambiar a relación que viñamos mantendo desde hai moitos anos tentando chegar a acordos que nunca se producían. E en vista de que a situación do edificio está collendo tintes moi perigosos e de que o Concello advertira de que ía ir a por todas, incluso contra o patrimonio destes propietarios, supoño que aproveitaron para desfacerse da súa parte da Torre vendéndolla a un terceiro”. Suárez Barcia engadiu que “nós como Concello non debemos entrar nesas compra-vendas, lamento que algún outro persoeiro político entre neste asunto, pero nós non imos facelo. Eu sempre quero defender o interés público e a estabilidade do edificio, defender que non se veña abaixo. Unha vez con iso estabilizado será o momento de mirar como entre todos podemos levar adiante a rehabilitación deste edificio tan importante para o patrimonio colectivo de todos os ribadenses”.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
