Nota de prensa
O BURELA FS RECIBE O ANDORRA, EN DUELO DIRECTO, CON CARAS NOVAS
O Burela FS recibe mañá o BP Andorra coas últimas incorporacións laranxas na convocatoria, nun duelo entre a sexta praza dos pirenaicos e a sétima dos mariñáns e un só punto de diferenza. Coa aparición de Clebinho e Ique, Suso Rey intentará suplir a ausencia do capitán, Juanma, que evoluciona favorablemente da súa lesión de xeonllo; tampouco participará na cita de Vista Alegre (18.30 horas) Manu, inmerso na final do Nacional Sub-19 con Galicia en Segovia.
O conxunto pirenaico é un rival forte a domicilio; dos 9 encontros que leva disputados como visitante, fíxose con 5 vitorias (Melilla 2-5, Jaén 3-7, Tobarra 2-3, Cáceres 2016 0-6, Eivissa 6-7) e 1 empate (Puertollano 4-4), 16 puntos dun total de 27. Ademais, chegará á Mariña nun bo momento, tras o triunfo ante o segundo, OPDE Ribera Navarra (5-3). O enfrontamento da primeira volta entre andorranos e burelaos quedou en táboas (2-2).
Para os intereses laranxas máis inmediatos pode influír a axenda de ElPozo Ciudad de Murcia, que viaxará á pista líder do Puertollano dende a quinta praza (38 puntos), e do Arcebansa Zamora (34), que dende a oitava recibe o Cáceres 2016, décimo sétimo.
A Pataca Naranxa. A peña burelista sorteará unha fin de semana de hotel para dúas persoas, coincidindo co premio da ONCE do 7 de maio, co fin de recadar fondos para as actividades da tempada. O posuidor da papeleta gañadora poderá escoller a súa estancia nun aloxamento de tres ou catro estrelas entre Galicia, Asturias e Cantabria, válido durante un ano. As rifas están á venda (1 euro) na cafetería Vista Alegre, A Parrillada de Jandro, o ximnasio Hawk, a cervexería O Trisquel e no local da peña do pavillón.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
