Nota de prensa
O FAROL VERMELLO VISITA OS PUPILOS DE SUSO REY
Os pupilos de Suso Rey recibirán este sábado o farol vermello da categoría, Extremadura Cáceres 2016 en Vista Alegre, a partir das 18.30 horas.
O Burela FS intentará recuperar a liña triunfal e volver a un bo xogo, arroupado pola bancada laranxa, ante un rival que non consegue saír do máis fondo da táboa (14 puntos). Cos reforzos do pivote brasileiro Cassio e o peche italo-brasileiro Lucas no mercado invernal, os estremeños tan só conseguiron un punto na segunda volta e encadean seis xornadas co marcador en contra. De todos os xeitos, os mariñáns xa experimentaron a valentía dos cacereños, acostumados a resultados moi rifados con oito empates na súa cuadrícula, entre eles a anterior cita co cadro burelista (3-3).
Os pupilos de Suso Rey non poden desaproveitar esta oportunidade de manter a fenda de play off. Dende a oitava praza (40 puntos), a escuadra mariñá ten a tiro de pedra o Arcebansa Zamora (40), coa complicadísima visita ao líder puertollanense. A un só punto dos burelistas, Andorra viaxa a Brihuega (12º) e ElPozo Ciudad de Murcia a Albacete (16º).
O técnico local cumprirá o terceiro e último partido de sanción imposto polo CNFS tras a expulsión ante o Unión África Ceutí por protestar unha decisión arbitral.
Entroido Laranxa
Coincidindo coa cita ante os cacereños, o Burela FS recibirá a don Carnal co Entroido Laranxa 2011. A entrada será gratuíta para todos os seareiros/as que acudan disfrazados. As mellores ideas recibirán atractivos premios, cedidos pola Parrillada de Jandro, Living Sport e o club, nas categorías de grupos (cocido na Parrillada de Jandro para 10 comensais), parellas (abono Dúo para 2011-12) e individual (equipamento completo do Burela FS); nesta última tan só concursarán os menores de 16 anos. A peña A Pataca Naranxa tamén reunirá os seus socios e socias nun suculento xantar carnavaleiro na Parrillada de Jandro o sábado 26, a partir das 15.00 horas.
Liga Nacional Xuvenil
Como antesala da cita de Prata, o Burela FS xuvenil disputará, dende o liderado da Liga Nacional, o derbi provincial co Azkar Lugo, terceiro clasificado; será ás 16.00 horas en Vista Alegre
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
