Nota de prensa
Ribadeo FSF-Mesón Río Ulla (5-6)
Nun partido máis parecido a Provincial que a Autonómica, o Ribadeo perdeu unha boa ocasión de sumar os tres puntos, cos que podería situarse a cinco do descenso, ante o Mesón Río Ulla, un rival dos máis frouxos que pasaron polo polideportivo ribadense.
A falta de concentración das xogadoras de Martínez nos minutos finais do encontro tirou pola borda o bo traballo de remontada dun marcador que se lles puxo costa arriba no minuto 1, cando o Mesón se adiantou por mediación de María, autora do triplete na cita. Empataron as ribadenses no 5 cun gol fantástico desde 12 metros de María Veiga, que elevou o esférico coa porteira visitante adiantada. Tres minutos máis tarde volveron anotar as de Vedra. A partir deste momento, as mariñás subiron a súa presión, co que Sabela conseguiu o 2-2 (minuto 12). O dominio das locais era esmagador, pero non puido verse reflectido no electrónico ata o último minuto da primeira metade, cando Marta e Fátima marcaron o 3-2 e 4-2, respectivamente.
Como é habitual no Panificadora, no primeiro minuto da segunda metade, as visitantes acurtaron distancias. Logo houbo que esperar ata o minuto 30 para que Fátima materializase o 5-3. O encontro parecía de novo encarrilado para as locais, pero a falta de concentración no último cuarto do partido levou ao precipicio as ribadenses, que presenciaron a escapada dun partido que tiveran controlado en dúas ocasións. O 5-4 chegou no minuto 31 e, a 2 minutos para o final, encaixaron dous novos tantos, un de penalti por man de Sabela dentro da área, que lle supuxo a vermella, e o 5-6 definitivo nunha perda de balón en ataque, seguida dun fallo en defensa. Intentouno o Ribadeo coa porteira-xogadora, estrelándose sen remedio contra un rival pechado en 9 metros que renunciou ao ataque.
A derrota do Carballiño, rival directo para as opcións de permanencia do Panificadora, deixa as ribadenses fóra dos postos de descenso, á espera do que poidan conseguir o vindeiro sábado nos Remedios, ante o Cidade de Ourense (20.00 horas).
Ficha técnica
Panificadora del Eo-Ribadeo FS: Carla, Eva, Marta (1), María (1) e Fátima (2), cinco inicial; tamén xogaron Iria, Sabela (1), Sofía, Toñi, Elvira, Silvia e Vanessa.
FSF Mesón Río Ulla: Alejandra, Vanesa, Cristina Torre, Cristina Granados, Nerea (1), cinco inicial; tamén xogaron María (3), Natalia (2) e Aroa.
Árbitros: Javier e Antón Menéndez Nistal, da delegación de Lugo.
Tarxetas amarelas: Eva, Marta y María, polo Ribadeo FSF; Aroa e Cristina Granados (dobre), polo FSF Mesón
Tarxetas vermellas: Sabela por parte das locais
Provincial masculina. O Ribadeo cultivou un importante empate (2-2) en Sarria ante correúdo Meigallos, resultado que mantén os mariñáns coas opcións de ascenso. O vindeiro sábado recibirán o Castroverde FS (19.15 horas), penúltimo clasificado.
Durante a súa estancia na capital, tiveron a oportunidade de coñecer o Senado, onde foron recibidos, entre outros representantes, polo senador lucense José Manuel Balseiro, veciño de San Cibrao e pola deputada no Congreso, Cristina Abades, que traballou durante anos na Casa do Concello. Balseiro deulles a benvida á Cámara e acompañounos nun percorrido polas súas principais dependencias, explicándolles o funcionamento da institución e o labor que desenvolven os senadores. O parlamentario agradeceu á asociación Terra-Mar a organización desta iniciativa, que contribúe a achegar as institucións aos cidadáns e a fortalecer os vínculos entre a Mariña e a representación que exerce a provincia de Lugo no Senado.
Ademais, a medida responde a razóns de seguridade e operatividade, xa que a presenza de público nestas xornadas impide que os camións de recollida poidan acceder e circular con garantías por esta zona. Durante eses cinco días, os contedores permanecerán instalados nos seus emprazamentos habituais para que a veciñanza e os visitantes poidan depositar neles os residuos. Ademais, o servizo de limpeza reforzará as tarefas nos puntos vinculados á celebración do festival. O Concello solicita a colaboración da cidadanía para manter os espazos públicos nas mellores condicións posibles.
"Este éxito é froito do teu esforzo, dedicación e constancia, e é un orgullo para todo o noso concello. Desexámosche moitos máis éxitos deportivos e que sigas representando a Cervo e ao Club Deportivo San Ciprián con tanta ilusión e talento", salientan desde o consistorio.
A mostra reúne imaxes tomadas en Galicia, Cataluña, Aragón, Andalucía, Senegal e Escocia, ofrecendo un percorrido pola biodiversidade e polos vínculos entre distintos ecosistemas. O fotógrafo, naturalista especializado en ornitoloxía, invita a contemplar a natureza cunha mirada pausada e consciente a través de 50 especies de fauna. Permanecerá aberta ata o 29 de xullo.
Con este xesto simbólico, expresou a súa solidariedade co pobo venezolano, trasladando o seu apoio ás familias das persoas falecidas, feridas e afectadas por unha traxedia que continúa deixando un elevado número de vítimas e miles de damnificados.
O obxectivo é facilitar que os mozos e mozas que o desexen poidan facer uso destas instalacións. A medida permitirá empregar o campo para a práctica deportiva e para a organización de partidos informais durante o período estival. Desde o Concello de Viveiro sublíñase a importancia de ofrecer espazos deportivos accesibles durante as vacacións de verán e de favorecer hábitos de lecer activo entre a mocidade.
A alcaldesa, Dolores García Caramés, visitouna no seu domicilio para felicitala e entregarlle un ramo de flores en nome de toda a veciñanza. Nada en Sargadelos e veciña de Cervo, foi a máis nova de dez irmáns e desde moi nova traballou no campo e coidou dos animais, sempre cun gran espírito de esforzo. Nai, avoa e bisavoa, a súa familia destaca a súa alegría, enerxía e bo humor. Moi activa ao longo da súa vida, gozaba de viaxar, da praia, de conducir e de participar nas actividades municipais, ademais de cultivar a súa paixón por cantar. Coqueta, sorrinte e cun espírito novo, Benedicta é hoxe un exemplo de vitalidade para todo o municipio.
