O teatro Pastor Díaz de Viveiro acolle a representación Eme2 ., Sexo ¿e por qué non?. Será o sábado día 19 as 20:30h. O prezo entrada é de 5 € e para estudantes e xubilados 3 €
Sábado 19 de febreiro teatro no Pastor Díaz en Viveiro
Relacionado
ÚLTIMA HORA
- O Bonito de Burela protagonista este sábado en Tarifa
- A concelleira de facenda de Foz pídelle ao voceiro do PP “menos mentiras e mais respecto” polas súas declaracións sobre o pago de subvencións a asociacións
- Lourenzá prepara unha intensa Semana Santa co Vilou Spring, a VIII concentración VespaFaba & Clásicos e o XV torneo de baloncesto feminino Lourenzá en Xogo
- O Presidente da Deputación asistirá á toma de posesión de Gómez Besteiro como Delegado do Goberno en Galicia
- Presentacion na libraría bahia de Foz
O martes, 4 de abril, ás 20:30h estará na libraría Bahía a autora focega Luisa Castro que falará da súa última novela 'Sangre de Horchata' que ven de publicar a editorial Alfaguara e do seu poemario 'Un amor antigo' editado por Galaxia a finais do ano pasado. Luisa Castro é unha autora fundamental na literatura galega, que iniciou un cambio na poesía dos anos 80. Como novelista escribeu sempre en castelán e conta con varios premios como o Azorín ou o finalista do Herralde. En poesía tamén acadou o premio Hiperión. Estes últimos anos visitou a poesía en castelán pero levaba moito tempo sen escribir poesía en galego e sen escribir narrativa, polo que estas dúas obras que saíron ao mercado con pouco tempo de diferencia, están a crear grande expectación entre @s lector@s. - O Concello de Viveiro súmase un ano máis á reivindicación do Día Mundial de Concienciación do Autismo, que se celebra este domingo, día 2 de abril
Con motivo desta data, o Concello iluminará na noite do domingo ao luns, de azul, a porta de Carlos V, unha cor que representa ao trastorno de espectro autista (TEA). A iniciativa enmárcase no proxecto mundial “Light Up to Blue” (Ilumína de azul) promovida por Autism Speaks (Light It Up Blue) e apoiada por Autismo Europa, Autismo España e por Autismo Galicia. No 2022 ilumináronse en España máis de 450 monumentos, máis de 90 deles en Galicia tanto de titularidade pública como privada, e este domingo o reto é chegar aos 500. - Xove dedica este venres á loita contra o cancro
Ás 19:30h: Acto de inauguración da exposición de fotos: 'Retratando sentimentos, Positividade ante o Cancro de Mama', coa intervención de Rosana Roca, nativa da Urbanización de Palmeiro. Fotografías de Inma Purriños en colaboración coa Asociación "Somos Unidos por el Cáncer". Estará aberta ao público dende o 1 ata o 30 de abril, de 17h a 20h, na Sala de Exposición do Centro Cívico. Ás 22:30h: Gala a beneficio da Asociación Española contra o Cancro, co estreo exclusivo para Galicia da actuación da Orquesta Panorama "Viaje al centro de la música". Ademais actuación dos DJs Conxuro, Marcos Peon, e David Expósito. - Unha alumna do Ciclo Superior de Dirección de Cociña do IES de Foz realiza prácticas na Bretaña Francesa
Violeta Varela, alumna do Ciclo Superior de Dirección de Cociña do IES de Foz, realiza dous meses de prácticas no Hotel Restaurante Les Mimosas de Pont Aven na Bretaña Francesa. Durante dous meses, ata o 7 de maio, traballará na cociña do hotel-restaurante situado na pequena vila costeira de Pont Aven. Luc e Veronique, os propietarios do establecemento ofrecen aloxamento e uns horarios moi axeitados para a que, sen dúbida, está sendo unha boa experiencia e moi enriquecedora. Estas prácticas están subvencionadas polo programa Erasmus+ da Unión Europea na sua modalidade para ciclos superiores. - Veciños de A Laxe (O Valadouro) visitan o Parlamento galego
Un grupo de veciños da parroquia de A Laxe, do Valadouro, visitaron este xoves o Pazo do Hórreo, sede do Parlamento galego. Ademais de coñecer as instalacións e darlles conta do funcionamento ordinario do Lexislativo, foron recibidos polo deputado José Manuel Balseiro que, como dato curioso, naceu nesa mesma parroquia. - Un traballador faleceu en Mañón logo de caer desde unha plataforma elevadora
Os feitos ocorreron na parroquia de Santa María de Bares. Contra as 10 horas, un particular chamou ao 112 Galicia para informar de que un operario acababa de caer desde varios metros de altura, cando estaba a traballar sobre unha plataforma elevadora. De inmediato, desde o 112 informouse a Urxencias Sanitarias de Galicia-061, aos axentes da Garda Civil e aos membros da Agrupación de Voluntarios de Protección Civil de Mañón. Unha vez no lugar, o persoal sanitario só puido confirmar o falecemento do traballador. - Mariña Patrimonio organiza unha actividade para o próximo sábado, día 1 de abril, co fin de coñecer o patrimonio de Trabada
En xornada de mañá, está previsto achegarse ao marco da Pena Verde, ás mámoas das Pallaregas e visitar a Igrexa de Vilapena e mailo Museo Etnográfico de Rocha, en Trabada. Tralo xantar, no mesón Camiño Norte de Trabada, visitarase a igrexa de Sante e finalmente rematará a xornada cunha visita a un obradoiro dunha ceramista local. A data para apuntarse rematou xa, pero se algunha persoa máis quere participar, comuniqueo o antes posible a mr.patrimonio@gmail.com para facilitar a organización da actividade. O itinerario do autobús será, desde Viveiro, pasando por Xove, Cervo, Burela, Foz, Barreiros e Trabada.
2021 Crónica 3 A Mariña - Implementado por GaliciaDigital