Nota de prensa
A Deputación arranca o venres a campaña turística de 2011 cun acto aberto ó público que protagonizará Luis Tosar
– O actor será o encargado de dar a saída ó Autobús Turístico que promocionará a provincia no exterior cun percorrido por 16 cidades do norte de España
– No acto, que se celebrará ás 12.00 horas no Salón Rexo do Círculo das Artes, o organismo provincial repartirá postais de Tosar na praia ribadense das Catedrais, que o intérprete firmará ós asistentes que así o queiran
A campaña turística da Deputación de Lugo para o ano 2011 arrancará este venres cun acto aberto ó público que protagonizará o recoñecido actor Luis Tosar, a imaxe das accións promocionais. A cita será ás 12:00 horas, no Salón Rexo do Círculo das Artes da capital, e contará coa presenza do Presidente provincial, José Ramón Gómez Besteiro, e a Vicepresidenta Terceira, María Xosé Vega Buxán. O prolífico intérprete, natural de Cospeito, dará a saída ó Autobús Turístico que, baixo o lema “Lugo Terra, de todo natural”, difundirá os atractivos da provincia no exterior cun percorrido por 16 cidades do norte de España que se desenvolverá ata finais do mes de abril.
O organismo provincial convida a tódolos lucenses ó acto, no que repartirá postais coa imaxe de Tosar na praia ribadense das Catedrais, un dos numerosos materiais informativos e de promoción que o autobús distribuirá na súa xira. Os asistentes que así o desexen terán a oportunidade de que o actor lles firme a postal.
A convocatoria consistirá polo demais na presentación oficial da campaña turística deseñada pola Deputación para este 2011 e, seguidamente, Luis Tosar dará, nos exteriores do Círculo das Artes, a saída ó vehículo turístico da Deputación. Iniciará entón un percorrido que o levará por Xixón, Santander, Bilbao, Zaragoza, Barcelona, Madrid, Valladolid, León e Zamora, ademais de polas sete grandes cidades galegas. En cada unha das localizacións, nas que permanecerá unha media de dous días, dúas guías ofrecerán ós visitantes todo tipo de información turística relacionada coa provincia.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
