A concelleira de Benestar Social de Burela denuncia os recortes das axudas da Xunta para as persoas maiores e discapacitadas
NEVES CANDO DENUNCIA OS RECORTES EFECTUADOS POLA XUNTA NAS AXUDAS ÁS PERSOAS MAIORES E DISCAPACITADAS PARA REALIZAR ADAPTACIÓNS NOS SEUS FOGARES OU PARA ADQUISICIÓN DE PRODUTOS DE APOIO DE ASEO, ALIMENTACIÓN OU MOBILIDADE.
Burela, 1 de marzo de 2011. A concelleira de Benestar Social, Neves Cando, denuncia os recortes efectuados pola Xunta nas axudas ás persoas maiores e discapacitadas para realizar, por exemplo, adaptacións nos seus fogares ou para a adquisición de produtos de apoio de aseo, alimentación ou mobilidade.
A edil nacionalista sinalou que “o Diario Oficial de Galicia de onte, 28 de febreiro, ven de publicar a orde que regula a concesión de axudas individuais para prótesis dentais e audífonos, para adaptacións no fogar e eliminación de barreiras arquitectónicas e tamén axuda técnica ou produtos de apoio para persoas en situación de dependencia, recoñecida e valorada con grao 3 nos niveis 1 e 2 ou grao 2 niveis tamén 1 e 2, ou que tivesen solicitado esta valoración antes desta convocatoria. Hai un prazo de dous meses a partires de hoxe para presentar estas solicitudes”.
Neves Cando dixo que “ante esta convocatoria queremos desde a Delegación de Benestar Social de Burela denunciar o recorte que supón esta convocatoria, porque por primeira vez exclúe a outros colectivos que ata este ano podían solicitar este tipo de axuda. Ata o ano pasado tamén podían optar a estas axudas para audífonos e prótesis, axudas para adaptar as casas á situación de mobilidade reducida ou produtos de apoio de aseo, alimentación ou mobilidade, as persoas de 65 ou máis anos e os menores de 65 anos cunha discapacidade igual ou superior ao 33%. Pois ben, este ano a Xunta do PP sácalles a estas persoas a posibilidade de solicitar estas axudas, os maiores de 65 anos e as persoas con discapacidade non poderán solicitar no 2011 estas axudas porque non veñen contempladas nesta orde do DOG de onte”.
A concelleira de Benestar Social pregúntase “si isto é un erro ou despiste ou é outro dos moitos recortes sociais que nos ten preparados a Xunta e que deixa a un colectivo importante sen esta axuda, moitas veces vital para o desenvolvemento da súa vida cotiá. Primeiro foron os recortes nas axudas para os libros dos nosos estudantes, despois os recortes en prestacións sanitarias coas listas de espera de máis de 6 meses para probas preferentes e as derivacións a Lugo si queres que te operen ou ter incluso que volver a nacer na estrada como hai 30 anos. E despois tamén viñeron os retrasos e recortes na valoración da dependencia, desde comezos do ano pasado non se deron novas prestacións económicas para coidadores nas valoracións de dependencia e agora tócalle o turno aos nosos maiores e discapacitados que se quedan sen estas axudas para adaptar as súas casas ou a súa vida cotiá ás necesidades da idade ou da súa discapacidade”.
A organización, a cargo da Asociación R.C.M. Amigos de Monte Castelo, abrirá a venda de parcelas os días 21 e 22, en horario de 18:30 a 20:30, primeiro para confirmar as reservas do ano anterior e despois para repartir as libres. O venres terá lugar a misa na igrexa de Vila do Medio ás 20:00 e, xa pola noite, a actuación do grupo Pekados e o DJ Balbi. O sábado comezará coa sesión vermú a cargo de SP The Sound Project, seguida do concurso de disfraces, xogos infantís, tardeo con DJ Pepu, bingo musical con Marisa Prisa e unha verbena con Pantera Rosa e Gin Toni’s. O domingo celebrarase a misa e procesión en honra á Nosa Señora das Marabillas ás 13:00, e a sesión vermú correrá a cargo do dúo Épok. A romaría conta coa colaboración do Concello de Burela, ABSA e Ledicia, ademais de numerosos establecementos locais.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
Villares gabou o traballo realizado e subliñou que “a implicación do tecido social e dos veciños e veciñas é clave para transmitir as tradicións que forman parte da nosa identidade e reforzar os vínculos da comunidade”. Na xornada principal deste xoves destacou a ofrenda floral na honra dos mariñeiros falecidos. O venres e o sábado celebraranse o Festival Folklórico Internacional e o Festival Folklórico Infantil respectivamente, organizados polo Grupo Mistura.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
Nesta ocasión contará, ademais de cos anfitrións A Subela, como grupo convidado ao Grupo Folclórico e Etnográfico do Cimeiro, procedente de Soure, en Portugal, que participa dentro dun intercambio cultural. A organización destaca que será unha edición especialmente significativa e anima ao público a non perdela. Terá lugar o 18 de xullo, ás 21:00 horas, na Praza Conde de Fontao, de Foz.
