Nota de prensa
A Deputación crea máis de 50 contratos laborais en Burela durante o mes de marzo
– O Presidente e o Alcalde supervisaron o inicio dos traballos na Casilla e na Marosa que dan emprego a 12 persoas para a instalación do servizo de canalización de augas
– Besteiro adianta que mañá a Xunta de Goberno aprobará a contratación de novas obras neste Concello por máis de 300.000 euros e que suporán a contratación doutras 12 persoas
– Ademais dos contratos iniciados en marzo, esta semana 30 burelenses comezaron os cursos do Pacto Provincial polo Emprego para insertarse laboralmente nas profesións con máis futuro na provincia
52 persoas teñen traballo en Burela coas actuacións que a Deputación leva a este Concello no mes de marzo. Trátase de iniciativas que combinan a creación de emprego coa mellora dos servizos municipais. É o caso do Lugo Emprega, que acaba de crear novos contratos laborais que permitiron sacar das listas do paro a 20 burelenses, ou da execución de novas obras coas que 32 operarios, capataces, maquinistas ou enxeñeiros terán emprego neste municipio mariñano. O Presidente da Deputación, José Ramón Gómez Besteiro, destacou que “fronte a outras administracións que se agochan nunha falsa austeridade que nos leva á pobreza, a Deputación vai a seguir traendo novas actuacións e máis emprego a Burela”.
O Presidente, acompañado polo Alcalde de Burela, Alfredo Llano, supervisou este xoves o inicio dos traballos de mellora na rede de saneamento na Casilla e na Marosa. O pasado venres a Xunta de Goberno provincial aprobaba a contratación destas obras por valor de 75.000 euros. En menos dunha semana, o organismo provincial comezou a súa execución, respostando coa máxima axilidade a un dobre obxectivo: empregar a 12 persoas que durante 4 meses realizarán unhas actuacións que, ó mesmo tempo, permitirán dotar dun servizo de canalización de augas residuais ós veciños de 20 vivendas. “Estas obras permitirán que unha das zonas máis visitadas e que recibe a un gran número de turistas quede en perfectas condicións”, destacou o Rexedor.
Gómez Besteiro adiantou que a Xunta de Goberno desta semana tamén aprobará a contratación de 2 das 18 obras que lle corresponden a Burela dentro do denominado Plan Complementario, posto en marcha para intensificar o apoio ós municipios. Unha obra é a mellora do alumeado público da Avenida Arcadio Pardiñas, dotado de 238.000 euros. Suporá a contratación de 6 persoas que, ó longo dun mes, instalarán un sistema de baixo consumo que conlevará un aforro ás arcas municipais do 60%. Ademais, tamén se contratarán os traballos de adecuación do entorno e da igrexa parroquial de Santa María por valor de 67.500 euros, dando traballo a outras 6 persoas durante un mes e medio. O Alcalde subliñou que “a Deputación executará un total de 18 obras en Burela que cambiarán a imaxe do noso Concello, e coas que lograremos traer máis riqueza”.
Obras=Emprego
Besteiro e Llano tamén supervisaron as obras de reconstrución da Ponte do Perdouro. O organismo provincial segue a executar estes traballos que se traducen en 8 empregos máis en Burela. O desbordamento do río dos Matos provocou en xaneiro o corte deste treito da antiga N-642. A Xunta, responsable da canle de dito río, eludiu a súa responsabilidade polo que, ante a necesidade destes traballos e a demanda dos veciños, fíxose cargo a Deputación achegando preto de 75.000 euros. “Este vial vai a quedar moito mellor do que estaba grazas ó compromiso do organismo provincial” subliñou Llano.
Este caso, exemplifica os datos revelados estes días pola Federación Galega da Construción: dos 13,5 millóns de euros licitados nos dous primeiros meses de 2011 en obra pública na provincia lucense, máis de 7 millóns de euros, é dicir, máis do 53% do total corren a cargo exclusivamente da institución provincial. En contraposición, o Goberno galego recortou este investimento na Comunidade nun 25% con respecto ó mesmo período en 2010.
En total, o esforzo inversor en obra pública por parte da Deputación no Concello de Burela no que levamos de mes de marzo cuantifícase en máis de 450.000 euros e 32 contratos laborais.
Programas de emprego
A maiores, os únicos programas laborais que beneficiaron ós burelenses foron o Pacto Provincial polo Emprego que insertará laboralmente a 576 persoas na provincia, 30 delas de Burela que comezaron esta semana a súa formación. (operacións auxiliares de fabricación para industria agroalimentaria, atención sociosanitaria en institucións sociais e auxiliar de enfermería en xeriatría); e o Lugo Emprega, que no caso de Burela, tendo en conta a taxa de poboación activa e o número de desempregados, contratou a 20 parados.
A Xunta, administración con plenas competencias nas políticas de emprego, discriminou a Burela ó non levar a este Concello mariñano ningún obradoiro ou escola taller. En 2010, estas iniciativas só se celebraron en 10 municipios da provincia, todos gobernados polo Partido Popular.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
