Nota de prensa
CCOO CONMEMORA O 8 DE MARZO
A igualdade no emprego como paso previo para obter a equidade nas pensións, de sensibilización para acabar coa violencia de xénero , e os chamamentos para que cesen os conflitos bélicos e abasallamento dos dereitos das mulleres son as demandas nas que centran os actos as CCOO da Mariña.
Viveiro, a 11 de marzo de 2011
Con case o 80% de mulleres desempregadas en Galicia menores de 35 anos, CCOO entende que a Reforma Laboral non xenera emprego, ao contrario, entende que incrementa a precariedade laboral e a temporalidade, aspectos que inciden en maior medida no colectivo feminino e polo tanto segue a manifestar o seu rexeitamento a tal reforma.
Acadar traballos decentes en condicións de equidade é, a xuízo desta central sindical, condición indespensable para configurar unha xubilación aceptable, compromiso polo que CCOO non deixará de loitar.
Asimesmo, a defensa do dereito a vivir en liberdade e con dignidade fai que este sindicato faga un chamamento aos poderes públicos para que arbitren medidas de sensibilidade social que permitan acabar coa violencia de xénero, que a día de hoxe, cobrou 14 víctimas no que vai de ano. O mesmo dereito se reclama fóra das nosas fronteiras, onde moitas mulleres cos seus nenos e nenas se ven obrigados a abandonar o seu país debido a conflitos bélicos coma o que na actualidade se desenvolve en Libia e sen deixar de pensar, ao mesmo tempo na necesidade de que cesen as violacións de nenas e mulleres nos países centro e sudamericanos.
Os actos serán hoxe venres no Concello de Viveiro e iniciaranse ás 19 horas coa lectura de textos relacionados coa muller . A lectura está aberta á participación de todos e todas como lectores e como ointes. Posteriormente mostraremos libros relacionados con diversas temáticas en relación á muller para rematar coa concentración que baixo o lema : Igualdade no emprego, equidade na pensión! se celebrará na praza do mesmo concello.
M A N I F E S T O
IGUALDADE NO EMPEGO, EQUIDADE NAS PENSIÓNS!
A crise económica dos últimos anos convertía ao mundo laboral nunha carreira de fondo e obstáculos para as persoas desempregadas. Galicia soportaba as cifras de paro máis elevadas da historia. O ano 2010 estivo marcado por 121.900 mulleres desempregadas (case o 80%). desigualdade no emprego que se estende á temporalidade e ás diferenzas retributivas.
Dende A Mariña, aproveitamos estas datas para facer fincapé no rexeitamento absoluto á Reforma Laboral aprobada polo goberno, pois, xa se ven demostrando que non xenera emprego, só incrementa a temporalidade e a precariedade laboral.
CCOO quere e impón como principal meta que as mulleres da nosa comunidade e da nosa comarca acaden traballos decentes, en condicións de equidade, o que lles permitirá configurar unha xubilación decente.
Tamén queremos chamar a atención dos poderes públicos acerca da violencia de xénero que sofren as mulleres, 14 víctimas no que vai de ano a día de hoxe, é razón suficiente para reflexionar e buscar entre todas e todos medidas de sensibilización social que a fagan disminuír e rematar.
Non moi lonxe das nosas fronteiras a situación social do xénero feminino ten moito que mellorar. Africa chora e chora polos milleiros de mulleres e nenos e nenas que teñen que deixar seu país debido a conflitos bélicos, iso se non morren antes de facelo. Sabido é que as repercusións das guerras nos colectivos máis vulnerables é importante. Apelamos ao bó facer dos gobernos e que coa participación internacional ou sen ela sexan capaces de abrir camiños de liberdade que non pechen xamais.
As incesantes violacións e mortes de nenas e mulleres en países centro e sudamericanos é algo que non se pode permitir, nin tampouco han de quedar impunes aqueles que provocan semellantes atrocidades. O dereito a vivir e a vivir dignamente é algo que custou conseguir e que baixo ningún concepto estamos dispostos a que nolo arrebaten porque sempre o defendemos e o defenderemos dende CCOO.
Por todo isto, en 2011, as CCOO de A Mariña afrontamos esta conmemoración coa intención de transformala nunha celebración das reivindicacións históricas e actuais das traballadoras mariñanas. Acadar un mundo mellor é o noso obxectivo e o fin e que chegue o día en que non haxa que conmemorar o 8 de marzo , o que quererá dicir, que chegamos a un mundo equitativo e igualitario para todos e todas en todos os aspectos posibles.
GRAZAS
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
