Nota de prensa:
Roel salienta que “o PP recoñece que a Deputación vese na obriga de asumir as competencias da Xunta en Lugo”
– A negativa a un plan de emprego para Lugo, ó bloqueo á construción do centro de recría ou a negativa a rebaixar o prezo do solo industrial, exemplos da “incompetencia” da Xunta
– Roel subliña que “mentres a Deputación asume as súas competencias, a Xunta agóchase día a día na confrontación co Goberno de España”
– O Deputado asegura que “o Executivo galego non só elude as súas responsabilidades, senón que ademais premia ós veciños que fan o seu traballo con sancións” poñendo como exemplo o acontecido na parroquia de Santa María de Lóuzara
O Deputado de Persoal do organismo provincial e Alcalde Viveiro, Melchor Roel, manifestou este mércores a opinión do equipo de Goberno provincial diante dunha pregunta que mañá será respostada no Parlamento pola Xunta, e que presentou o Deputado do PP, José Manuel Balseiro. No escrito, o popular manifesta o seu malestar porque a Deputación está a construír 10 residencias con centros de día, así como a contratar a 711 desempregados co Lugo Emprega malia, segundo Balseiro, “non ter competencias directas na materia” xa que estas lles corresponden á Xunta. Roel salientou que “as preguntas do señor Balseiro poñen en apuro a Feijóo xa que veñen recoñecer que, ante a incompetencia da Xunta en Lugo, a Deputación vese na obriga de asumir as súas competencias na provincia lucense”.
Para o Goberno provincial a Xunta amosa unha enorme incompetencia nos asuntos que lles corresponde, obrigando a actuar a outras administracións como a Deputación de Lugo. Son exemplos: a negativa a crear un plan de emprego para Lugo, a falta de apoio do Goberno autonómico ós Concellos ante os asolagamentos do mes de xaneiro, o bloqueo á construción do centro de recría na granxa Gayoso Castro que beneficiará a centos de gandeiros, ou a negativa a rebaixar o prezo do solo industrial o que favorecería.
Neste senso, o Deputado salientou que “á Xunta non lle preocupan os danos que provocaron as choivas nos municipios, nin o emprego, nin os servizos os cidadáns. A súa única preocupación é que a Deputación asuma as súas competencias atendendo ós veciños desta provincia. Mentres, o Goberno galego elude as súas responsabilidades e agóchase día a día na confrontación co Goberno de España”. A maiores, engadiu que “o Goberno galego está tan preocupado do que fai esta Deputación, que Feijóo nombrou durante o debate do Estado da Autonomía ata en 3 ocasións ó organismo provincial, sendo a única administración galega a que fixo referencia”.
“Premia ós veciños con sancións”
O Deputado de Persoal manifestou ademais que “o Executivo galego non só elude as súas responsabilidades, senón que ademais premia os veciños que teñen que facer o seu traballo con sancións”. Como exemplo destacou o acontecido na parroquia de Santa María de Lóuzara onde “os cidadáns arranxaron unha vía de titularidade autonómica porque a Xunta non o facía, e cal foi a súa resposta?: premiar ós veciños cunha sanción de 300 euros”.
Roel destacou que “é unha sorte que Balseiro sexa Deputado do PP porque, aínda que só se adica a intentar entorpecer o labor deste Goberno provincial, o único que consegue é denunciar os fracasos e incompetencias dos compañeiros do seu propio partido”. Deste xeito, engadiu que “o señor Balseiro pregunta se a Deputación consensou coa Xunta a construción de 10 residencias con centros de día na provincia. Eu respóstolle que nós tivemos que actuar e crear estes servizos para os cidadáns de Lugo porque a Xunta ten abandonada a nosa provincia. O Deputado do PP tamén se pregunta se a Xunta ten coñecemento do Lugo Emprega recoñecendo ademais, que a Deputación seguiu criterios obxectivos como o número de parados e o de habitantes para crear en todos os Concellos un total de 711 novos postos de emprego. Xa quixéramos os Alcaldes que o Goberno galego empregase estes criterios no seu Plan Concertado e non a liña caciquil a que nos teñen acostumados, confundindo as institucións cun clube de amigos”, sentenciou.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
