NOTA DE PRENSA
“A Xunta remitiu ó DOG o anuncio de exposición pública do novo proxecto do acceso ó porto”, afirma Barcia.
O portavoz popular agarda que anuncio se publique na próxima semana.
Asegura que a Xunta de Feijoo cumple co previsto e cumple coa lei.
O portavoz do Grupo Municipal do Partido Popular (GMPP) de Burela, José María González Barcia, afirmou hoxe que a Consellería de Medio Ambiente, Transportes e Infraestructuras, vén de enviar ó Diario Oficial de Galicia (DOG) o anuncio de exposición pública do novo proxecto do vial de acceso ó porto de Burela. González Barcia espera que o anuncio se publique durante a próxima semana, e a partires desa data haberá un mes para a presentación de alegacións por particulares, e un máis para as administracións que se poidan sentir afectadas.
Barcia indicou que estaba previsto que o anuncio se remitira ó DOG a finais de febreiro, pero unha consulta previa da Dirección Xeral de Infraestructuras a Costas, para clarificar cuestións de tipo legal e técnico, motivou este pequeno retraso
O portavoz popular indicou que “tal e como dixemos sempre, esta obra é fundamental para Burela e por ela traballamos. Nós manifestamos no seu día que a Xunta de Feijoo apostaba por esta obra, paralizada durante a Xunta bipartita, e que por razóns dunha sentencia xudicial tiña que ver modificado seu proxecto. Cando o dixemos, o PP burelés xa tiña feitos os deberes, é decir, reunirse con quen había que reunirse e falar con quen había que falar, cousa que outros non fixeron, ainda que se fartaron de darlle ó palique na prensa. E tamén dixemos que para seguir coa obra había que realizar a exposición ó público do proxecto. E así foi. O mesmo Presidente de Portos de Galicia, na visita que fixo o pasado mércores a Burela, dixo que ‘en breve habería solucións positivas’ para esta obra, e así é”.
González Barcia asegurou ademais que “o PP burelés sempre dixo a verdade sobre esta obra, ainda que ás veces non nos guste, porque nós desexaríamos que a obra xa estivera acabada, pero a Xunta non se pode saltar á torera a lexislación, e tén a obriga de cumprir unha sentencia que tén a súa orixe no momento en que a Xunta bipartita se salta á torera o proxecto inicial da obra e o modifica sen exposición pública”.
Barcia manifestou que “nós puidemos ver o proxecto na entrevista tanto co Conselleiro de Medio Ambiente, Agustín Hernández, como na reunión coa Directora Xeral de Infraestructuras, Ethel Vàzquez. Ese cambio de proxecto provoca que o investimento se duplique”.
O presidente dos populares bureleses indicou que “aqueles que afirmaron que deron por morta esta obra estaban equivocados. Ainda onte, no pleno burelés, puidemos ver como o alcalde se ría a mandíbula batiente afirmando que nunca máis se ía mover un dedo por esta obra. Algún, en vez de darlle á lingua na prensa, tén que ir máis pola Xunta para falar cos conselleiros, en vez de agardar sentado no sillón do despacho a cobrar o soldo a fin de mes”.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
