Nota de prensa
O CONCELLO E A ASOCIACIÓN DE VECIÑOS DE RÚA PROMOVEN OBRAS DE MELLORA NO CAMPO DE FÚTBOL E NUN CAMIÑO DESTE NÚCLEO DE POBOACIÓN
* O proxecto consiste na ampliación e mellora de gradas e pavimentación de accesos no campo de fútbol e na explanación do camiño da Nogueira ó Árbol
* A colaboración consiste na elaboración por parte do Concello do proxecto técnico destas dúas actuacións; o cal será posteriormente utilizado pola asociación veciñal para optar aos programas provinciais de colaboración con entidades veciñais
* O Concello colaborará ademais asumindo a parte económica que tería que aportar a Asociación de Veciños, que ronda os 4.000 euros
Cervo, 5 de marzo de 2011.- O Concello de Cervo promove xunto coa asociación de veciños de Rúa a ampliación das gradas e a pavimentación dos accesos do campo de fútbol desta localidade; xunto coa explanación do camiño da Nogueira ó Árbol, tamén nesta parroquia.
Segundo indicou Yolanda Pedreira, concelleira do grupo de Goberno local, a iniciativa conxunta entre Concello e representantes veciñais é similar á posta en marcha o pasado ano coas obras de mellora de varias pistas neste núcleo cervense. “A colaboración fraguouse a través do alcalde pedáneo de Rúa e consiste na elaboración por parte do Concello do proxecto técnico destas dúas actuacións. Este proxecto serviralle á asociación de veciños para optar ós programas provinciais de colaboración con entidades veciñais” recordou Pedreira.
OBRAS
As obras a realizar consistirán nunha actuación de acondicionamento e pavimentación do acceso Norte do campo de fútbol, retirando a capa vexetal e aportando unha capa de zahorra e aglomerado en quente. Así mesmo ampliaranse as gradas actuais, prolongando as existentes 10 metros.
Por outra banda, tamén se acondicionará o camiño de A Nogueira ao Árbol, explanando e ancheando ata 3 metros; para o cal haberá que demoler os actuais valados existentes e dotará das tajeas necesarias. O orzamento final destes traballos ascende a preto de 16.000 euros (15.939,56 €). “Na actualidade os accesos polo vento Norte do campo de fútbol non están pavimentados e as gradas existentes nel son escasas para os espectadores que adoitan asistir ós partidos da SD Candelaria. Igualmente atópase en mal estado o camiño de A Nogueira ó Árbol” indicou Pedreira.
COMPROMISO MUNICIPAL
A representante local -que onte pola tarde se reuniu cos representantes da asociación e co alcalde pedáneo de Rúa- engadiu tamén que o Concello colaborará ademais aportando a cantidade que en principio lle correspondería aportar á Asociación de Veciños “posto que se trata da mellora dunhas infraestruturas moi demandadas polos habitantes deste núcleo de poboación e cuxa contía ronda os 4.000 euros” salientou Pedreira.
O CONCELLO GARANTIRÁ NOVAMENTE O 25% DO CUSTE DAS OBRAS SOLICITADAS POR ASOCIACIÓNS Á DEPUTACIÓN DENTRO DO PLAN PROVINCIAL DE AMPLIACIÓN E MELLORA DE SERVIZOS DE INTERESE VECIÑAL
Ao fío disto, a concelleira cervense anunciou que o Goberno local garantirá un ano máis o 25% do custe das obras solicitadas polas asociacións e colectivos do concello á Deputación de Lugo ao amparo do Plan Provincial de Cooperación con entidades veciñais.
Segundo indicou Pedreiras, a medida persegue un único obxectivo: “asegurarlles de antemán a estes colectivos que van poder dispoñer, a lo menos, do 25% do investimento necesario para levar adiante as obras que solicitaron á Deputación dentro do Plan Provincial coa entidades veciñais. Deste xeito -asegurou- queremos mitigar dentro da medida das nosas posibilidades a incerteza destes colectivos que, á día de hoxe, non saben aínda se van poder contar coa axuda necesaria das administracións para poder levar adiante os investimentos solicitados; os cales teñen por obxecto a mellora de servizos de interese veciñal. O que pretendemos, en definitiva, é aportar un pouco de seguridade nestes tempos de crise e de incerteza económica aos colectivos que traballan e aportan ideas en favor do conxunto dos seus pobos e aldeas” indicou Pedreira.
Todas aquelas persoas, entidades e colectivos cervenses que teñen solicitado esta liña de axudas provinciais e desexen que o Concello se comprometa con eles a garantirlles o 25% do total do investimento deberán dirixirse ás oficinas municipais para formalizar dita solicitude. Para iso deberán aportar unha copia da subvención solicitada diante da Deputación co obxecto de comprobar que realmente teñen formalizado a solicitude ao organismo provincial.
Nota: Axuntamos imaxes da xuntanza mantida onte pola concelleira Yolanda Pedreira na casa consistorial co alcalde pedáneo de Rúa e un representante do colectivo de veciños deste núcleo de poboación.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
