Nota de prensa
FERNANDO VILARIÑO MOSENDE “DECOR-ARTE”
CENTRO COMARCAL DA MARIÑA CENTRAL (Mondoñedo)
1 de Abril de 2011, 17:00 h.
O Centro Comarcal de A Mariña Central (Mondoñedo) acollerá durante o mes de abril a obra escultórica do artista de Cuntis Fernando Vilariño Gosende.
A inauguración da exposición terá lugar o vindeiro 1 de abril ás 17:00 na sala de exposicións do Centro Comarcal.
Fernando Vilariño, con influencias familiares na súa profesión, comenzou a súa andadura con dezaoito anos, pasando pola escola taller e algún aserradero de obras, onde adquiriu os coñecementos necesarios para traballar na pedra e materializar as ideas propias nestes fragmentos inertes que adquiren valor e significado tras pasar polas súas mans.
Aínda que é un canteiro experimentado en tódolos tipos de obras en pedra, Vilariño decántase polas obras con significado social, intentando provocar en cada creación un sentimento ou reacción no público.
Na súa extensa obra atoparemos pezas que reflexan o maltrato, o alcoholismo ou a desigualdade.
Esta exposición poderá visitarse no Centro Comarcal da Mariña Central durante todo o mes de abril en horario de 10:00 a 14:30 e de 15:00 a 18:00, de luns a venres , e os sábados de 10:00 a 14:00.
Para acadar máis información acerca desta exposición poden poñerse en contacto co persoal do Centro no 982 889 301 ou a través do correo electrónico; ccmarinacentral@comarcasdegalicia.com