Nota de prensa
REGO DENUNCIA QUE O GOBERNO DE FEIJOO INVENTA UN CAMBIO DE TRAZADO PARA NON INVESTIR OS 90 MILLONS DE EUROS NA VARIANTE DE VIVEIRO
-O deputado do PSdeG-PSOE Ismael Rego cualificou de “impresentable que o Conselleiro considerase poucas as alegacións presentadas”
-Denuncia que con este cambio de trazado o PP parte pola metade un val dos mais fermosos de Galicia, a parroquia de Galdo
– Díxolle ao Conselleiro de Medio Ambiente e Infraestructuras que lle debía caerlle a cara de vergonza, por impulsar este trazado, xa que terá un gran impacto socioeconómico e medioambiental
-Pediu responsabilidade ao Goberno de Feijoo “collan o proxecto que tiñan, porque ese é compatible con facer o aceso ao núcleo de Viveiro e sobre todo co desenvolvemento urbano e económico do Concello e coa defensa dos intereses dos veciños de Viveiro”
Santiago de Compostela, 23 de marzo de 2011. O deputado do Grupo Parlamentario do PSdeG-PSOE Ismael Rego interveu hoxe no Pleno da Cámara para preguntar ao Conselleiro de Infraestructuras pola paralización da execución da variante de Viveiro. Alí denunciou que o Goberno de Feijoo inventa un cambio de trazado para non investir os 90 millóns de euros na variante de viveiro, previstos na pasada lexislatura. Cualificou de “impresentable que o Conselleiro considerase poucas as alegacións presentadas”, xa que foron presentadas polos veciños de Magazos e o Pleno da Deputación Provincial, e preguntoulle cantos mais terían que alegar a xuízo do Conselleiro.
O deputado socialista saudou en primeiro lugar aos veciños de Viveiro que presenciaron este debate hoxe no Pleno do Parlamento. Sinala que esta infraestructura é un cuello de botella por mor do volume de trafico que soporta tódolos días. Di que na pasada lexislatura o Goberno de Touriño acadou un acordo cos veciños afectados e o concello, facéndose a adxudicación da asistencia técnica para a redacción do proxecto, que quedou a disposición do actual Goberno e que a día hoxe o mantén paralizado nun caixón co pretexto dun cambio de trazado que naide quere.
E denuncia que con este cambio de trazado o PP parte pola metade sen ningún sentido nin xustificación, un val dos mais fermosos de Galicia, a parroquia de Galdo. Díxolle ao Conselleiro de Medio Ambiente e Infraestructuras que lle debía caerlle a cara de vergonza, por impulsar este trazado. E pediulle a que atenda as alegacións realizadas polos veciños de Viveiro, do Concello e a Deputación Provincial.
Asegura que a Xunta non quere investir 90 millóns de euros “parécelles moito para unha comarca que leva esperando ducias de anos por esta obra”, e insistiu “por iso alegan unha milonga dun cambio de trazado”, e co todo o mundo esta en contra.
Reclama responsabilidade
Pediu responsabilidade ao Goberno de Feijoo “collan o proxecto que tiñan, porque ese é compatible con facer o aceso ao núcleo de Viveiro e sobre todo co desenvolvemento urbano e económico do Concello e coa defensa dos intereses dos veciños de Viveiro”, resumiu.
E concluíu “deixen de marear a perdiz para solucionar no prazo mais breve posible a accesibilidade no concello de Viveiro e no seu contorno comarcal”, algo que considerou “fundamental para comunicar as comarcas da Mariña e Ortegal e do interior de Galicia”.
Estes recitais, protagonizados por músicos da contorna, nunca defraudan. Sen grandes nomes internacionais, pero cunha sensibilidade musical exquisita, ofrecen sempre unha experiencia artística de gran calidade. Por iso, quen asista gozará dunha nova xornada dentro do Programa Adral, que a Xunta de Cofradías promove con tanto entusiasmo.
O Concello destaca a oportunidade que supón para impulsar a hostalaría local e felicita ás persoas galardoadas pola súa contribución á gastronomía asturiana.
Este texto é o froito de varios anos de investigación e convida profesionais da educación, terapeutas e persoas curiosas a descubrir como o traballo coa arxila libera traumas e favorece unha transformación persoal profunda. Ao remate do acto servirase un viño e un pequeno petisco.
A continuación, as persoas que desexen continuar a conversa e compartir un tempo de convivencia poderán anotarse á comida que se celebrará na Casa da Penela.
Pasados dez minutos das 15 horas deste martes, un particular alertou ao 112 Galicia dun coche envorcado fóra da vía en San Martiño de Ferreiros, Pol. Aconteceu no quilómetro 3 da LU-750, e a única persoa implicada permanecía atrapada no interior. De inmediato, desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. Os bombeiros actuaron para liberar á persoa, que foi evacuada en ambulancia polos profesionais sanitarios desprazados ata o lugar.
Unha comedia orientada para público infantil escrita e dirixida por Bea Campos. Hora: 18h.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
