Nota de prensa:
O Panificadora gana en Ames ao FC Meigas (0-2) e confirma a súa melloría
O Panificadora impúxose en Ames ao FC Meigas (0-2), unha vitoria que confirma a súa melloría co paso das xornadas. Nove puntos máis o gol average é a vantaxe que agora ten sobre o Carballiño FS, a falta de cinco encontros para a finalizar a tempada.
As de Ribadeo saíron a resolver o partido desde o inicio e atopáronse cun FC Meigas que daba facilidades en defensa. No minuto 6 a ribadense Marta presentouse soa ante a porteira local Estefanía baténdoa de tiro raso e axustado, tras un roubo na zona media da cancha. Insistía o Panificadora na súa presión na zona alta e facíase con balóns que, unhas veces rexeitados polos paus e noutras polas boas intervencións da porteira local, non permitían ás pupilas de Martínez rematar en poucos minutos un partido que se propuxeron gañar. No minuto 11, nunha falta cometida polo equipo local por cesión á súa porteira, Iria materializou o 0-2.
Na continuación, o Panificadora non desistiu da súa presión e tivo ocasións de aumentar a diferenza, pero de novo o paus e a porteira foron o obstáculo. Só nos últimos segundos do partido, nunha serie de tiros e rexeitamentos, tiveron ocasión as locais de inaugurar a súa conta no marcador.
As ribadenses recibirán o vindeiro sábado (19.15 horas) ao CD Riazor FS, décimo con 28 puntos.
Provincial feminina. O Xoula conseguiu colocarse no terceiro posto ao derrotar ao Donapel Monterroso por 4-5. O vindeiro venres (20.30 horas), enfrontarase en Ribadeo ao FSF A Pastoriza, en partido aprazado.
Provincial masculina. O Ribadeo FS sumou unha nova vitoria (7-3) ante o Taboada FS que lle permite seguir loitando por unha praza en Autonómica a próxima tempada.
O equipo mariñán enfrontarase o vindeiro sábado ao Industrial Recense na Pontenova.
Ficha técnica
Panificadora del Eo-Ribadeo FS: Carla, Marta (1), Arancha, Toñi e María, cinco inicial; tamén xogaron Sabela, Iria (1), Fátima, Eva e Vanessa.
FC Meigas: Estefanía, Yaiza, Clara, Amanda e Katy, cinco inicial; tamén xogaron Cova, Andrea, Laura, María e Aroa.
Árbitros: José Luis Villarino Barja e Yayo Pájaro Gómez da delegación de Santiago. Mostraron cartóns amarelos á xogadora local Amanda e ao seu adestrador Diego Montero.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
