Nota de prensa:
Os populares constatan que a crecente vaga de roubos, a maior dos últimos 20 anos, está a xerar grande inquedanza e preocupación nos veciños
O GRUPO popular reclamará no parlamento e nos concellos da mariña lucense que o goberno central reforce a seguridade cidadá
* Temen que a bisbarra estea a ser obxecto da actuación de grupos organizados de delincuencia que actúan en comercios e viviendas particulares.
* A diario os medios de comunicación se están a facer eco do aumento dos actos delictivos que parecen superar o operativo disposto para atallalos e garantir a seguridade cidadá.
A Mariña, 30 de marzo de 2011.- O secretario xeral do populares lucenses e deputado autonómico mariñán, Jose Manuel Balseiro Orol, anunciou a presentación dunha batería de iniciativas no Parlamento galego e nos distintos concellos da comarca para reclamar que o Goberno central reforce os medios de seguridade dispostos na Mariña ante o aumento dos episodios delituosos que está a ter lugar nos últimos meses. Os populares constatan que a crecente vaga de roubos está a xerar grande inquedanza e preocupación nos veciños desta comarca e consideran necesario poñer en marcha un plan de medidas urxentes que garantan a seguridade cidadá.
Segundo explicou Jose Manuel Balseiro Orol existe o temor, apoiado nos últimos acontecementos, de que a bisbarra da costa lucense estea a ser obxecto da actuación de grupos de delincuencia organizada que actúan tanto en comercios como en vivendas particulares sen que, polo momento, “as xestións da Subdelegación do Goberno en Lugo teña atallado esta problemática. Mais ao contrario, os casos parecen multiplicarse”.
Os populares lamentan tamén a falta de explicacións oficiais, respecto deste repunte da delincuencia, e a deficiente atención –lonxe de medidas moi concretas- que se está a facer das queixas dos alcaldes da zona. “A diario os medios de comunicación reflicten casos que evidencian o aumento dos actos delictivos, nunha escalada que parece non ter fin e que supera o operativo disposto para atallalos” –explicou Balseiro.
PRECARIEDADE POLICIAL
Balseiro tamén significa que a devandita vaga de actos delituosos e roubos coincide no tempo coas alertas e queixas das principais asociaicóns profesionais e colectivos sindicais dos corpos e forzas de seguridade do Estado e, coa precariedade que desde estas instancias están a denunciar respecto dos medios materiais e humanos dispostos na Mariña lucense. Neste senso reclama ao Goberno central que adopte as medidas pertinentes para reforzar estos servizos, sen descartar a posta en marcha dun plan extraordinario de carácter disuasorio.
DATOS OFICIAIS
Os últimos datos oficiais constatan ademais esta realidade xa que A Mariña lucense está a ser afectada por un repunte de roubos e atracos, estatísticamente o maior dos últimos vinte anos. Moitos destes casos teñen lugar aproveitando a noite, como os rexistrados os pasados días nas localidades de Celeiro (Viveiro), Cervo, Foz ou Ribadeo. Só neste última localidade tiveron lugar unha trintena de roubos e unha quincena de hurtos.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
