Nota de prensa
REXISTRADA NA XUNTA A ESCOLA MUNICIPAL DE MÚSICA DE XOVE
No DOG de hoxe 13 de abril ven unha Orde a Consellería de Educación e Ordenación Universitaria pola que se autoriza a inclusión da Escola de Música Municipal de Xove (Lugo) no Rexistro de Escolas de Música e Danza da Comunidade Autónoma de Galicia.
Trátase dun proceso de profesionalización da Escola que comezou hai uns anos coa estructuración da mesma, proceso no que se estivo traballando ata conseguir este rexistro, que consideramos importante xa que nos pon a altura doutras escolas.
O proceso comezou coa separación formal da Orquesta da Escola de Música, pasando a Orquesta a depender da Asociación Prestoxove. O seguinte paso foi a regulación da propia escola, para o cal o Concello sacou unha ordenanza municipal. Todo este proceso foi acompañado dunha profunda reestruturación do antigo Colexio de Palmeiro, lugar onde ten a súa sé a Escola.
O Concello, cuns investimentos moi importantes, procedeu á reforma completa das instalacións, que incluiron: renovación completa dos tellados, dotación dunha nova instalación eléctrica, cambio e mellora de portas e fiestras e, algo moi importante, como é a instalación de elementos de seguridade, como por exemplo apertura dunha saída de emerxencia; mellorouse tamén a accesibilidade das instalacións, dende as aulas ata os servicios sanitarios, adaptándoos para as persoas con minusvalías, todo co fin de cumprir tódolos requisitos esixidos pola Consellería de Educación para poder rexistrar a Escola.
COPIA DA ORDE DE REXISTRO:
CONSELLERÍA DE EDUCACIÓN E ORDENACIÓN UNIVERSITARIA
Orde do 11 de marzo de 2011 pola que se autoriza a inclusión da escola de música municipal de Xove (Lugo), no Rexistro de Escolas de Música e Danza da Comunidade Autónoma de Galicia.
O Concello de Xove solicita a inscrición da escola de música municipal no Rexistro de Escolas de Música e
Danza da Comunidade Autónoma de Galicia de conformidade coa Orde do 11 de marzo de 1993, que regula as condicións de creación e funcionamento destas escolas na Comunidade Autónoma de Galicia.
Logo de realizar os trámites que establece a normativa vixente, a xefatura territorial desta consellería, de Lugo, achega o expediente cos correspondentes informes.
Cumpridos todos os trámites regulamentarios e tendo en conta o anteriormente exposto, por proposta da Dirección Xeral de Centros e Recursos Humanos,
DISPOÑO:
Primeiro.-Autorizar a inclusión no Rexistro de Escolas de Música e Danza da Comunidade Autónoma de Galicia da escola de música municipal que se sinala:
Provincia: Lugo.
Concello: Xove.
Localidade: Xove.
Domicilio: Camiño Real, s/n, CP 27870.
Código do centro: 27020872.
Titular: Concello de Xove.
Denominación: Escola de Música Municipal de Xove.
Segundo.-Esta escola queda sometida ao réxime de escolas de música e danza, segundo o establecido na Orde do 11 de marzo de 1993 e aos servizos de inspección correspondentes.
Terceiro.-O centro deberá solicitar a oportuna revisión da inscrición cando teñan que modificarse calquera dos datos sinalados nesta orde.
Contra esta orde, que esgota a vía administrativa, as persoas interesadas poderán formular recurso potestativo de reposición ante esta consellería, no prazo dun mes, contado a partir do día seguinte ao da súa publicación no Diario Oficial de Galicia, segundo o disposto nos artigos 116º e 117º da Lei 30/1992, do 26 de novembro, de réxime xurídico das administracións públicas e do procedemento administrativo común ou ben, directamente, o recurso contencioso-administrativo no prazo de dous meses desde a mesma data, ante a Sala do Contencioso-Administrativo do Tribunal Superior de Xustiza de Galicia, de conformidade co
artigo 46º da Lei 29/1998, do 13 de xullo, reguladora da xurisdición contencioso-administrativa.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
