Nota de prensa:
A Deputación informará o martes das axudas que concede Industria ás empresas para impulsar as TIC
– Trátase das subvencións e préstamos contemplados no Plan Avanza 2, dotado con 682 millóns de euros e do que se poden beneficiar organizacións empresariais e sociedades sen ánimo de lucro
– A sesión informativa terá lugar ás 20:00 horas no Centro de Innovación Social In Lugo e os interesados poden inscribirse enviando un correo electrónico a inlugo@deputacionlugo.org ou ben chamando ó 982.22.51.86
A Deputación, a través do Centro de Innovación Social In Lugo e o centro de asesoramento empresarial Innova Empresa, convocou para o próximo martes, 12 de abril, unha xornada informativa sobre as axudas que concede o Ministerio de Industria, Comercio e Turismo a través do Plan Avanza 2, encamiñadas a impulsalas Tecnoloxías da Información e a Comunicación (TIC). A consignación orzamentaria deste programa do Goberno Central supera os 682 millóns de euros e del pódense beneficiar, entre outros, empresas, agrupacións empresariais e entidades sen ánimo de lucro.
A cita terá lugar ás 20:00 horas, na sede de In Lugo, emprazada na Rúa Frei Rei Lemos s/n, en fronte do Hospital de San José. As persoas interesadas en asistir poden inscribirse enviando un correo electrónico á dirección inlugo@deputacionlugo.org ou ben chamando ó número de teléfono 982.22.51.86, en horario de 9:00 a 21:00, de luns a venres, e os sábados e domingos, de 10:00 a 14:00.
Coa xornada, o organismo provincial quere que o tecido empresarial e as organizacións sen ánimo de lucro da provincia teñan información detallada sobre unhas axudas que lles poden resultar moi beneficiosas e útiles para incrementar, a través das novas tecnoloxías, a súa competitividade e produtividade, recortar custes e poñer en marcha novas ideas empresariais.
O Ministerio de Industria pretende con este plan contribuir a un cambio de modelo económico en España por medio das TIC. A través del concederá subvencións e/ou préstamos (a un interese do 1,19%) para desenvolver proxectos cos seguintes obxectivos: incrementar o uso avanzado de servizos dixitais, desenrolar as capacidades tecnolóxicas do sector TIC, promover a incorporación das tecnoloxías da información nas empresas, fortalecer o sector de contidos dixitais e desenvolver as TIC verdes.
A maior parte do orzamento da convocatoria de axudas, publicada no Boletín Oficial do Estado (BOE) o 30 de marzo, está destinado a programas nos que teñen un papel protagonista as Pemes, un 150% máis ca en 2010.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
