Nota de prensa:
A Deputación presentará o libro do Camiño do Mar en maio
– A Vicepresidenta Segunda, Lara Méndez, anunciouno este venres na inauguración das IV Xornadas do Peregrino, organizadas pola Asociación Abrindo Camiño como homenaxe a Álvaro Cunqueiro con motivo do 100 aniversario do seu nacemento
– O programa de actividades arrancou cunha conferencia sobre a vinculación de Cunqueiro coa ruta xacobea e un debate acerca das tres rutas alternativas do Camiño Norte, e continuarán ata setembro con viaxes culturais e peregrinacións
– O organismo provincial apoia economicamente esta iniciativa como parte da súa aposta por promocionar a ruta Xacobea “máis alá do Ano Santo”, pois supón unha “extraordinaria oportunidade” para xerar riqueza nos concellos
A Vicepresidenta Segunda da Deputación, Lara Méndez, adiantou este venres na inauguración das IV Xornadas do Peregrino celebrada na Pontenova que o libro guía que o organismo provincial prepara sobre o Camiño do Mar co fin de difundilo e reivindicar o seu recoñecemento oficial estará concluído e será presentado en maio. A publicación recolle o traballo de investigación e recompilación documental do historiador focense Xoán Ramón Fernández Pacios, cos que queda constatada a existencia desta alternativa da ruta xacobea, cuxo trazado discorre polos concellos costeiros de Lugo. No traballo de Fernández Pacios baseouse precisamente a proposta enviada o ano pasado á Consellería de Cultura para que recoñeza a oficialidade da variante.
O libro sobre o Camiño do Mar complementa o editado pola Deputación o pasado mes de decembro baixo o título ‘Rutas a Santiago en la Provincia de Lugo’, a primeira publicación galega que inclúe información detallada de tódalas rutas xacobeas que pasan por terras luguesas: o Camiño Francés, o Primitivo, o Norte e o de Inverno. Lara Méndez considera que tanto a variante do Mar, como a de Inverno merecen a oficialidade porque “teñen o mesmo valor patrimonial e turístico que as rutas que están recoñecidas como tal”.
A Vicepresidenta Segunda fixo estas declaracións na inauguración das Xornadas do Peregrino, organizadas pola asociación mariñana e chairega Abrindo Camiño en homenaxe ó escritor Álvaro Cunqueiro con motivo do 100 aniversario do seu nacemento. O organismo provincial prestou a súa colaboración económica a esta iniciativa no marco da súa aposta pola difusión do Camiño Norte e as súas variantes. O seu apoio tamén responde á promoción do Camiño máis alá do Ano Xacobeo. Lara Méndez recordou que un dos proxectos da Deputación no Ano Santo foi o programa Km0 a Compostela, que resultou “un éxito”, pero “non debemos quedarnos aí, nin limitarnos a esa conmemoración porque non volverá a ter lugar hasta dentro de 11 anos. Na provincia contamos con 800 quilómetros de rutas xacobeas e dende a Deputación apoiaremos todas aquelas iniciativas que, coma esta que empeza hoxe na Pontenova, sirvan para poñer en valor e difundir o Camiño, pois supón unha extraordinaria oportunidade económica nos 33 concellos polos que discorre”.
Debate e peregrinacións
Tralo acto inaugural, as IV Xornadas do Peregrino continuaron cunha charla coloquio sobre a vinculación de Álvaro Cunqueiro coa ruta xacobea e un debate acerca do Camiño Norte e as súas tres variantes: a do Interior polas Terras de Miranda, a marítima ou do Mar, e o de volta a San Salvador de Oviedo. A mesa estivo moderada por Juan Carlos Fernández Pulpeiro, xornalista e Xefe de Protocolo da Deputación, e como poñentes estiveron José Joaquín Miláns del Bosch, presidente da Asociación Asturgalaica de Amigos do Camiño de Santiago da Costa; Luis Fernández Ansedes, presidente do colectivo Abrindo Camiño, con socios de A Mariña e Terra Chá; e o historiador Xoán Ramón Fernández Pacios, entre outros.
O programa continuará o sábado cunha viaxe turístico-cultural que partirá ás 8:30 da Praza do Seminario de Mondoñedo e incluirá paradas en Trabada, Santiago de Ares, San Tirso de Abres, A Pontenova, A Pastoriza, Riotorto, Pol e Castro de Rei.
O 24 de abril comezará unha peregrinación pola variante interior do Camiño Norte, que continuará o 8 e 29 de maio, e o 26 de xuño. A inscrición poderá facerse hasta o próximo mércores. Por outra banda, en xullo terá lugar un percorrido da variante marítima e en setembro, unha viaxe á Bretaña Francesa. Os interesados poden anotarse nas actividades chamando ós números de teléfono 982.52.10.75 ou 639.07.27.69, ou ben enviar un correo electrónico a elremansoes@yahoo.es.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).