Nota de prensa:
Bembrive 4-1 Panificadora del Eo
O equipo ribadense non puido prolongar a súa imbatibilidade na quinta xornada consecutiva ao caer derrotado no municipal de Bembrive por 4-1 ante un dos equipos que loita por disputar a competición da Copa Galicia desde a cuarta posición.
As cousas puxéronselles difíciles ás mariñás nos compases iniciais. Apenas transcorrera un minuto e medio, cando a local Andrea inaugurou o marcador e trinta segundos máis tarde Lara conseguiu o 2-0. As de Ribadeo saíran a gañar pero esquecéronse de defender, polo que Martínez intentou reorganizar o descontrol defensivo do seu equipo nun tempo morto. Xurdiu efecto e as ocasións equilibráronse para decantarse uns minutos máis tarde a favor das visitantes, con tiro cruzado de Nuria. O Panificadora dispuxo de claras ocasións por mediación de Marta, Iria e Sabela, sen fortuna na finalización.
Na segunda metade as visitantes continuaron acurralando as locais e encerrándoas na súa propia parcela, pero no minuto 32 Gloria conseguiu o 3-1 e freou as aspiracións das ribadenses. Este gol foi un xerro de auga fría para as de Martínez, que estaban realizando un bo partido, aproximándose con perigo á meta local. A decepción fíxolles irse do partido por uns instantes, momento que aproveitaron as locais para marcar o 4-1, de novo por mediación de Lara.
Non se conformaban as ribadenses e Martínez intentouno pondo a porteira-xogadora durante os catro últimos minutos, aínda que o marcador non se alterou.
Aínda que O Carballiño, rival directo do equipo mariñán pola permanencia, conseguiu os tres puntos ante o pechacancelas e xa descendido Castrelo, o Panificadora mantén unha vantaxe de 7 puntos, máis o gol average, sobre o seu rival a falta de tres xornadas para a finalización.
O vindeiro sábado en Ribadeo (18.00 horas), a escuadra mariñá poderá asegurar matematicamente a permanencia se consegue vencer o Cidade das Burgas, oitavo clasificado con 38 puntos.
Provincial feminina. O Xoula finalizou a tempada na terceira posición, a pesar da derrota na pista do líder, Friol, por 4-0. As mozas ribadenses loitarán por conseguir a Copa, con enfrontamentos e calendario pendentes de concretar.
Provincial masculina. O Ribadeo FS conseguiu unha nova vitoria como local ante o Baralla por 4-1 e mantén a cuarta posición. O vindeiro sábado desprazarase a Sarria para enfrontarse ao Hotel Roma.
Ficha técnica
CDM Bembrive FS: Nati, Lara, Andrea, Adriana e Jennifer, cinco inicial; tamén xogaron Gloria, Paola, Sofía, Noemí e Ana.
Panificadora del Eo-Ribadeo FS: Carla, Marta, Toñi, María e Fátima, cinco inicial; tamén xogaron Iria, Sabela, Nuria, Arancha e Vanessa.
Árbitros: Rubén Varela Ortigueira e Débora Sierra Núñez, de Pontevedra. Mostraron cartóns amarelos a Lara, polas locais, e a Fátima, polas visitantes.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
