Di o PP que o alcalde de Foz quere apuntarse á austeridade que esixe a Xunta logo dunha lexislatura con 33 millóns de malgasto di o PP

Nota de prensa

O alcalde de Foz quere apuntarse á austeridade que esixe o goberno popular da Xunta logo dunha lexislatura con 33 millóns de malgasto

Foz, 31/03/2011.- Os populares focegos sorpréndense de que o alcalde presuma de contas e se anote á mensaxe da austeridade promovida polo Goberno da Xunta do Sr Feijoó, a dous meses de rematar a lexislatura, cando se malgastaron máis de 33 millóns de euros. Rivera recibiu 24 millóns de euros dos presupostos destes últimos anos, máis case 6 millóns de euros procedentesdo excedente por licenzas do ‘boom’ na construción. Se a iso lle sumamos os máis de 2 millóns de € procedentes dos investimentos propios do Plan E e outro millón de euros máis que lle ‘regalou’ a Deputación hai uns meses, estamos a falar de 5.500 millóns das antigas pesetas que non foronsuficientes para realizar proxectos que prometeu o goberno socialista e incumpriu sistematicamente, tales como a construción dunha residencia para anciáns, centro para discapacitados, auditorio municipal, pistas de atletismo no campo municipal e un aparcadoiro público subterráneo, entre outros. E non só iso. Nunha actitude que denota unha marcada irresponsabilidade coas arcas públicas, o alcalde de Foz pide un crédito doutros 700.000 € para pagar a provedores, e incluso se ve na obriga de aprobar neste último pleno a consignación de preto de 300.000 € dos presupostos deste ano para pagar facturas da anterior lexislatura.O Sr. Rivera desoíu a opinión dos técnicos municipais, que lle recomendaban unha maior previsión nas contas e, aínda por riba, quere facer agora responsable á oposición do malgasto permanente do goberno socialista á fronte do Concello. Os populares focegos cremos que este tipo de conduta imprudente amosa un claro interese do alcalde e do seu goberno por ocultar un preocupante abandono na xestión e evidencia que o Sr. Rivera quere mirar para outro lado á hora de facer fronte ás débedas que adquiriu o municipio debido á súa mal entendida ‘política de austeridade’.Os populares focegos preguntámoslle a Rivera se algún deses eses 33 millóns de euros de gasto na lexislatura se destinou á realización dos proxectos que o goberno socialistaincumpriu, como os anteriormente citados construción do Auditorio, pistas de atletismo no campo municipal, aparcadoiro público subterráneo, residencia para anciáns ou o centro comarcal para discapacitados. Promesas que aínda se poden ver hoxe no seu programa electoral para a lexislatura pero que, como é evidente, non están realizados.A austeridade de Rivera é a mesma que a do seu compañeiro de partido Besteiro, que están a deixaras arcas públicas das administracións que gobernan cheas de débedas, sabendo que eles non asvan ter que defender, a austeridade pregoada por Rivera quédase na propaganda en palabras e carteis, tratando de enganar aos cidadáns con declaracións que non se axustan aos feitos, propia dos gobernos socialistas coma o do bipartito galego e o do mesmo Zapatero, que están a dar un pésimo exemplo de como se xestiona a economía de todos veciños