Nota de prensa:
Máis de 2.000 persoas coñeceron en Viveiro como funciona a Administración Electrónica
– Trala súa estancia na cidade do Landro, a seguinte parada da carpa @ da Deputación será o próximo domingo na Pobra do Brollón, coincidindo coa XX Feira do Viño de Vilachá
– A moderna instalación, de 120 metros cadrados, mostra ós lucenses de xeito directo e ameno como facer trámites vía internet e somerxeos nas novas tecnoloxías
A carpa do programa Innova-TE da Deputación que mostra á cidadanía como funciona a Administración Electrónica e as súas vantaxes recibiu a máis de 2.000 persoas durante os dous días nos que estivo instalada en Viveiro. O organismo provincial aproveitou a gran cantidade de xente que se desprazou á cidade do Landro con motivo da Semana Santa para continuar coa súa campaña de divulgación da e-Administración, ensinando nun moderno espazo e de xeito directo e sinxelo como facer trámites a través de internet.
Trala estancia da carpa @ da Deputación esta pasada fin de semana en Viveiro, localidade na que estivo por segunda vez, a seguinte parada será na Ribeira Sacra, en concreto na Pobra do Brollón, coincidindo coa celebración da Feira do Viño de Vilachá. Trátase dunha cita que cumpre este ano a súa vixésima edición e que destaca entre as feiras dos viño da zona por celebrarse en adegas centenarias. A degustación de caldos combínase coa doutros produtos típicos da comarca e con actuacións musicais.
Os visitantes da @ fan nada máis entrar un taller de DNI electrónico, a chave que deben utilizar os usuarios para acceder á Administración Electrónica e facer trámites on line. Logo de realizar este obradoiro, cuxos asistentes reciben un diploma acreditativo, os visitantes poden participar en sorteos de diverso material tecnolóxico imprescindible para o uso da e-Administración, como lectores de DNI, chaves USB, ebooks (lectores de libros electrónicos) e netbooks (ordenadores portátiles de baixo custe e reducidas dimensións).
As outras actividades desta carpa pioneira, de 120 metros cadrados e cor vermella, son unha pantalla táctil co libro guía das rutas do programa Km0 da Deputación; así como o denominado espazo “365”, unha aplicación de apoio escolar para nenos e pais, na que, entre outras opcións, poden crear o seu propio “avatar”; e unha aplicación de realidade aumentada, estas dúas últimas cedidas por Movistar. Como verdadeiro espazo tecnolóxico, a @ conta con sinal wifi gratuíta para conectarse a Internet, grazas á colaboración da empresa Vodafone.
Dispón ademais dunha pista de baile virtual, na que pequenos e maiores poden simular distintos escenarios e pasos de danza grazas a un ordenador e unha pantalla de plasma. Esta actividade é unha colaboración do Centro de Innovación Social “In Lugo”, un servizo pioneiro no Noroeste de España impulsado pola Deputación que se dedica á innovación empresarial no campo do benestar social.
A aula formativa do Innova-TE dá a coñecer así mesmo proxectos empresariais da provincia. Nesta ocasión, as firmas participantes son Porco Celta da Fonsagrada e Panadería Herbella, da propia Pobra do Brollón, que expoñen a súa actividade e produtos, e ofrecerán degustacións.
“In Lugo” segue formando en novas tecnoloxías
Outra das liñas de actuación impulsadas pola Deputación para estender o uso das novas tecnoloxías entre os lucenses, contribuíndo a eliminar a fenda dixital na poboación, evitando o illamento dos maiores e favorecendo un envellecemento activo, é o Centro de Innovación Social “In Lugo”, que continúa esta semana coas súas actividades divulgativas e de formación. Deste xeito, mañá arrancan tres cursos nas propias instalacións do centro: un sobre como manexar e as utilidades das principais redes sociais, que concluirá o mércores; outro sobre ofimática básica, na que os alumnos aprenderán a utilizar os programas informáticos Word, Excel e Power Point e que concluirá o sábado; e o terceiro de Lembranza Fotográfica, que mostra os asistentes como facer un blog con fotos actuais e antigas e que finaliza o venres. Este último obradoiro tamén será impartido nos centros de día da Asociación de Familiares de Enfermos de Alzheimer de Lugo (AFALU) dende mañá e ata o sábado, e o próximo luns, día 2 de maio.
Ademais, este sábado conclúen unhas xornadas para mostrar ós empresarios de Lugo como posicionarse nas redes sociais, iniciadas hai máis dun mes.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
