Nota de prensa
Os nacionalistas ofrecen un “Pacto por Ourol” para crear emprego, aumentar servicios e parar o despoboamento.
Marcelino Otero encabeza a lista do BNG en Ourol.
A Asemblea Local do BNG de Ourol procedeu a aprobar a lista coa que concurrirá as vindeiras eleccións do municipais do 22 de Maio e que outra vez volverá a ser encabezada por Marcelino Otero Franco, veciño dos Colviños, delineante, traballador dunha empresa de xestión de servicio e Presidente da asociación Cultural “O Milleiro”.
Marcelino Otero afirmou que “ a candidatura do BNG é unha equipa para posibilitar o cambio político do que Ourol está tan necesitado, unha equipa para mudar o rumbo dun Concello dirixido por un goberno esgotado, unha equipa para devolver a ilusión aos veciños e restaurar a democracia. Democracia que significa igualdade no trato para os veciños, democracia que implica entender as persoas como suxeitos de dereitos, democracia, en definitiva, que debe representar un novo xeito de entender a política local, non como espacio para a confrontación, senón como legar de diálogo en defensa do interese xeral de Ourol”
O candidato nacionalista adiantou que “as liñas centrais da alternativa programática dos nacionalistas van na triple dirección de favorecer o desenvolvemento económico do Concello, afortalar os servicios sociais e mellorar as infraestructuras municipais básicas. Non hai posibilidade algunha de asentar a poboación no Concello se non se actúa nestes tres eixos”, ao par que fixo un chamamento a un Pacto por Ourol “ porque é momento de buscar solucións e non de agravar aínda máis os problemas dos nosos veciños. Podemos e temos que poñernos de acordo o conxunto dos grupos que nos presentamos a estas eleccións e que imos formar parte da próxima corporación deixando a un lado as diferencias partidistas, a comezar pola creación de emprego, a mellora de servicios e a creación de solo residencial ,na medida que unha cuestión previa para posibilitar asentar poboación no Concello e que o despoboamento se paralice. Ourol estase desangrando ano tras ano, perdendo veciños a un ritmo moi grande, polo que debemos estar a altura das circunstancias”.
Os nacionalistas destacaron que “ a nosa candidatura é unha equipa de traballo, social e xeograficamente plural, con gañas e ilusión sen outra atadura que a defensa do interese xeral. Un equipa renovada na práctica totalidade, agás na cabeza de lista, pero sobre todo homes e mulleres que non son máis que a cara dunha proposta de futuro para o noso Concello que a que se recolle no noso programa. En definitiva é unha comprometida co interese xeral que non co particular, co noso concello que non con pexes partidarias e fundamentalmente cunha vocación de servicio a todos os veciños. Presentamos para solucionar problemas, non para crear outros, dividindo aos veciños ou enlameirando a vida política local”.
A candidatura do BNG completase cos seguintes persoas nesta mesma orde: Susana López Hermida (Ourol – Ensinante e ex-directora do CEIP de Ourol), Chefa Penabade(San Pantaleón-Pintora), Xoán Carlos López Hermida(Miñotos-Técnico Informático), Roberto Bouça (Sabucedo-Musico), Loli Cora(O Carme-Asalariada), Samuel Fernández(Ourol-Autónomo) Xoán Carlos Maseda (Asalariado-Merille), Carina(Miñotos-Perruqueira) e Pedro Trigo, natural de Ourol, emigrante en Cuba, actualmente residente en Barcelona, heroe de Moncada e irmán de Xulio Trigo. Marcelino Otero destacou o convencemento da totalidade dos membros da candidatura de que “chegou a hora do cambio político a Ourol. Os resultados de fai catro anos, onde o PP mantivo por un escaso marxe a maioría absoluta , non deixan lugar a dúbidas de que o próximo 22 de Maio ábrese un novo tempo en Ourol, un novo tempo que pensamos que vai ser liderado polo BNG e que vai significar en primeiro lugar a devolución do poder aos veciños, queremos que sexan os veciños quen gobernen no noso Concello e poñer remate ao secuestro do mesmo por parte do Goberno Local”
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
