Nota de prensa:
O BNG FIXO PÚBLICA A CANDIDATURA COA QUE CONCURRIRÁ ÁS ELECCIÓNS MUNICIPAIS DO 22 DE MAIO. A LISTA ENCABEZADA POR ANTONIO VEIGA CONTA CON CINCO NOVAS INCORPORACIÓNS.
Barreiros, 15 de abril de 2011. A licenciada en dereito Ana Ermida Igrexas, veciña de Santiago de Reinante ocupará o posto nº 2 na lista que encabeza Antonio Veiga, actual portavoz municipal no Concello e tamén portavoz do grupo provincial do BNG na Deputación, onde é responsable da Área de Cultura e Deporte.
No número 3 figura o actual concelleiro Suso Díaz Blanco, licenciado en Económicas e veciño de San Miguel. É un recoñecido activista no asociacionismo cultural de deportivo no concello.
Incorpóranse á lista do BNG no posto nº 4 a mestra no colexio de San Miguel Teresa Barcia Villalba e no nº 6 a enfermeira do Hospital da Costa e veciña de San Cosme Montserrat Porteiro Sánchez. Tamén é de San Cosme Xavier Paredes Janeiro, que é unha das novas incorporacións xunto con Lara Barcia Novás, profesora de educación física e veciña de Gondán (Cabarcos) e Camilo Friol Piñeiroa, xornalista e veciño de Celeiro de Mariñaos, completan as novas incorporacións na lista do BNG de Barreiros.
CANDIDATURA
1-Antonio Veiga Outeiro
2-Ana Ermida Igrexas
3-Xesús Díaz Blanco
4-Teresa Barcia Villaba
5-Silvestre Palacios Arceo
6-Montserrat Porteiro Sánchez
7-Xavier Paredes Janeiro
8-Lara Barcia Novás
9-Xoan Manuel Díaz Branco
10-Aurora Moreira Bermúdez
11-Camilo Friol Piñeiroa
1º suplente-Belén Fernández Soto
2º suplente-Xosé Xavier López López
3º suplente-Covadonga Quintana Val.
A presentación diante dos veciños e veciñas de Barreiros será o venres 29 de abril ás 21 horas nun acto público e aberto no salón de actos do novo centro sociocultural Manuel Díaz Sampedro.
O BNG afirma que “Barreiros precisa un goberno que estea exclusivamente ao servizo dos barreirenses, que priorice o benestar social, especialmente a atención aos nosos maiores, que se implique na potenciación dos nosos principais recussos: o noso agro, a nsoa gandeiría, a nosa ría, as nosas praias… na creación de emprego, adoptando medidas que propicien o desenvolvemento económico de Barreiros, con sensatez e planificando o noso territorio para sentar as bases do concello que queremos: de todos e para todos”. Os nacionalistas engaden que “o compromiso do BNG foi e é única e exclusivamente con Barreiros. O BNG seguirá firme na defensa dos intereses xerais de todos os veciños. O futuro de Barreiros teñen que decidilo os barreirenses, non os que teñen intereses alleos a Barreiros. O BNG é a alternativa”.
Estes recitais, protagonizados por músicos da contorna, nunca defraudan. Sen grandes nomes internacionais, pero cunha sensibilidade musical exquisita, ofrecen sempre unha experiencia artística de gran calidade. Por iso, quen asista gozará dunha nova xornada dentro do Programa Adral, que a Xunta de Cofradías promove con tanto entusiasmo.
O Concello destaca a oportunidade que supón para impulsar a hostalaría local e felicita ás persoas galardoadas pola súa contribución á gastronomía asturiana.
Este texto é o froito de varios anos de investigación e convida profesionais da educación, terapeutas e persoas curiosas a descubrir como o traballo coa arxila libera traumas e favorece unha transformación persoal profunda. Ao remate do acto servirase un viño e un pequeno petisco.
A continuación, as persoas que desexen continuar a conversa e compartir un tempo de convivencia poderán anotarse á comida que se celebrará na Casa da Penela.
Pasados dez minutos das 15 horas deste martes, un particular alertou ao 112 Galicia dun coche envorcado fóra da vía en San Martiño de Ferreiros, Pol. Aconteceu no quilómetro 3 da LU-750, e a única persoa implicada permanecía atrapada no interior. De inmediato, desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. Os bombeiros actuaron para liberar á persoa, que foi evacuada en ambulancia polos profesionais sanitarios desprazados ata o lugar.
Unha comedia orientada para público infantil escrita e dirixida por Bea Campos. Hora: 18h.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
