Nota de prensa:
O Plan facilitou o acceso á Rede arredor de 250.000 habitantes da Comunidade que carecían de cobertura a mediados de 2010
O PLAN DE BANDA LARGA DA XUNTA INCREMENTOU EN PRETO DE 39.000 AS PERSOAS CON ACCESO A INTERNET NA PROVINCIA DE LUGO
En menos dun ano desde a súa posta en marcha o Plan fixo posible a conexión á Rede en case 2.000 núcleos de 39 concellos lucenses
O operador público Retegal construíu 13 novas torres na provincia para impulsar o despregamento de redes de telecomunicación
A Xunta investiu en 2010 un total de 4,3 millóns euros na provincia no despregamento de redes de banda larga
Santiago, 3 de abril de 2011.- A día de hoxe arredor de 39.000 habitantes da provincia de Lugo que carecían de cobertura xa teñen acceso a Internet grazas ao Plan de Banda Larga da Xunta. En menos dun ano desde a súa posta en marcha o Plan conseguiu estender o servizo de conexión a Internet a case 2.000 núcleos de 39 concellos da provincia.
A dispoñibilidade deste servizo é posible grazas aos despregamentos de redes de telecomunicación postos en marcha pola Administración autonómica, que investiu na provincia 4,3 millóns de euros en 2010. A extensión de redes do Plan comezou en Lugo, concretamente no sur da provincia por ser unha das zonas que máis acusaba a fenda dixital. Nesta zona a tecnoloxía empregouse a tecnoloxía Wimax, redes sen fíos que permiten o acceso a Internet en zonas con dificultades orográficas para a implantación doutro tipo de redes. No resto da provincia estanse a despregar redes fixas de alta capacidade
Redes sen fíos en 22 concellos do sur da provincia de Lugo
O Plan de Banda Larga posibilitou o acceso ao servizo de internet de calidade a máis de 30.000 habitantes de case 1.900 núcleos de 22 concellos – Carballedo, Chantada, Monforte de Lemos, Pantón, A Pobra de Brollón, O Saviñao, Sober, Taboada, Paradela, Portomarín, Quiroga, Ribas de Sil, Antas de Ulla, Bóveda, Friol, Guntín, Palas de Rei, Monterroso, O Corgo, Láncara, O Páramo, Sarria – nos que se despregaron redes sen fíos durante o ano 2010. En 2011 porase en marcha unha nova acción que permitirá completar a cobertura acadada este ano nesta zona.
A solución ofertada por Iberbanda, operador adxudicatario da subvención concedida pola Xunta para esta actuación, emprega a tecnoloxía sen fíos Wimax Móbil de banda licenciada que presta un servizo mínimo de 2 Mbps de velocidade de baixada e 512 Kbps de subida.
Extensión de redes fixas
No resto da provincia as infraestruturas que se están a empregar para facilitar o acceso a Internet son redes fixas de alta capacidade coas que se chegou xa ao redor de 40 núcleos de 20 concellos – Abadín, Antas de Ulla, Baleira, Castro de Rei, Castroverde, Cospeito , Guitiriz, Lourenzá, Lugo, Meira, Mondoñedo, Outeiro de Rei, A Pobra do Brollón, A Pontenova, Portomarín, Sarria, O Saviñao, Sober, Trabada e Xove -. Esta actuación permitiu dotar de cobertura ao redor de 8.200 habitantes a día de hoxe. Estas infraestruturas están a ser implantadas polo operador Telefónica tras resultar beneficiario da axuda para a extensión de redes de alta capacidade no marco do Plan de Banda Larga. O servizo que ofrece Telefónica establece unha velocidade mínima de 6 Mbps de baixada e 640 Kbps.
Potenciación de Retegal
O Plan de Banda Larga contempla entre as súas accións potenciación do Operador Público Retegal para impulsar o despregamento de novas infraestruturas de telecomunicación en Galicia. En Lugo Retegal completou un importante plan de reforzo das súas infraestruturas no sur da provincia coa construción de 13 torres de comunicacións e actuacións en 17 centros desta zona por un importe de 950.000 euros. En total, o investimento para reforzar as infraestruturas de Retegal na provincia luguesa superou no ano 2010 os 3,5 millóns de euros.
Este despregamento permite dispoñer da infraestrutura de telecomunicacións necesaria para que os operadores privados de telecomunicacións poidan proporcionar servizo de acceso a internet de banda larga aos cidadáns cuxa residencia se sitúa en áreas nas que non existe infraestrutura de banda ancha ou nas que non é probable que se desenvolva de inmediato.
Arredor de 250.000 persoas con cobertura en Galicia
Actualmente, en torno a 250.000 galegos que carecían de cobertura teñen a posibilidade de acceder á Internet de calidade grazas ao O Plan Banda Larga de Galicia 2010- 2013, que conseguiu reducir nun terzo a poboación da Comunidade sen acceso á Rede.
Ademais, xa a día de hoxe facilitouse a cobertura de Internet de calidade a máis da metade dos parques empresariais e polígonos industriais con carencias de cobertura así como, acceso á Rede á maior parte dos servizos públicos sen banda larga. O despregamento de redes do Plan é clave para proporcionar as infraestruturas que permitirán avanzar na administración electrónica e en proxectos innovadores en ámbitos como a sanidade, a educación e a xustiza.
O Plan contempla cinco actuacións das que xa se puxeron en marcha 4: a implantación de redes fixas, sen fíos, de nova xeración (con velocidades de 100Mbps), e a potenciación do operador público Retegal que está a poñer a disposición dos resto dos operadores a súa infraestrutura favorecendo a competencia.
Para levar a cabo as actuacións en marcha ata a data, a Xunta de Galicia concedeu o pasado mes de setembro a través de diferentes ordes de axudas ao operadores de telecomunicación Iberbanda, Telefónica e R unha subvención total de case 35 millóns, que xerará un investimento total de máis de 160 millóns de euros para o despregamento de novas infraestruturas de telecomunicación na Comunidade.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
