Nota de prensa:
Así o establecen os estudos elaborados pola Xunta e remitidos á UE analizando o impacto socioeconómico da redución do TAC desta especie, unha cifra é aínda maior de terse en conta outros recortes como o da xarda
O pp salienta que o fracaso do ministerio de medio mariño fará que a nosa comarca perda máis de dez millóns de euros só co recorte do 93% na cota do lirio
Balsiero salientou o intenso traballo que está a desenvolver a Rosa Quintana no obxectivo de compensar a falta de reacción e mala negociación do Goberno central en materia de pesca.
Burela, 8 de abril de 2011.- O voceiro do Mar do Grupo Parlamentario Popular quixo poñer cifras ao fracaso do Ministerio de Medio Ambiente, Medio Rural e Mariño na negociación das cotas pesqueiras para 2011. Só na Mariña lucense perderanse máis de 10 millóns de euros co recorte do 93% na cota do lirio, perdas que afectan tanto á flota pesqueira como ao resto da industria dependente da actividade extractiva do arrastre do litoral. Esta cifra, “pode ser maior incluso”, de terse en conta outros recortes nos límites de captura de peixes impostos para outras especies de interese comercial para a flota desta comarca como é o caso da xarda. Balseiro explicou que a cuantificación destas perdas aparece recollida nos estudos elaborados pola Xunta e remitidos á Unión Europea para darlle conta do impacto socioeconómico que a reducción dos TAC para 2011 trae consigo.
Jose Manuel Balsiero salientou o intenso traballo desenvolvido pola Conselleira do Mar, Rosa Quintana e o seu equipo, no obxectivo de compensar a falta de reacción e mala negociación do Goberno central en materia de pesca. Así por exemplo foi a Xunta de Galicia, e non o Estado, quen elaborou os informes biolóxicos e socioeconómico que presentaron a pasada semana en Bruxelas á presidenta da comisión de Pesca do Parlamento Europeo, Carmen Fraga, e á directora xeral da DG MARE da Comisión Europea, Lowri Evans. “Informes que sustentan cientificamente as peticións da Xunta e do sector”, e que nacen de feito da estratexia deseñada na mesa de traballo que a Consellería do Mar puxo en marcha o pasado decembro e integrada por técnicos da Xunta e representantes do sector do arrastre.
UNHA SOLUCIÓN A CURTO PRAZO
Segundo explicou Jose Manuel Balsiero os informes elaborados pola Xunta de Galicia foron determinantes para que a Comisión Europea estude a posibilidade de autorizar a captura no sur de 1.300 toneladas máis asignadas ata o momento ao stock do norte. Esta iniciativa que o MARM plantexaou á Comisión Europea, é en realidade unha das solucións propostas pola mesa de traballo creada por Galicia, o que –segundo Balseiro- novamente da conta de quen está a levar a iniciativa en defensa da flota . “Madrid asume a proposta de Galicia e a traslada a Bruxelas”. Con todo o voceiro popular do Mar quixo deixar claro “que esta non é a solución ideal, senón que é un remendo a curto prazo” e insistíu en que hai que avanzar nunhas maiores cotas, “ese é o obxectivo final, incrementar os límites de captura, e o Ministerio, que é o organismo competente para a negociación en Europa non pode renunciar a elo”.
SÓ DA MAN DE GALICIA O GOBERNO ACERTA
Finalmente o voceiro do Mar do Grupo Popular amosouse partidario de crear un gran grupo de presión galego en Bruxelas en defensa do noso sector. Unha idea que comparte a flota galea pois observa como “hai unha administración que se implica, que é a Xunta, que ten experiencia, coñecementos e capacidade, e outra, o Ministerio á que lle parecen superar todas as problemáticas que van xurdindo”. Nesta liña Balseiro explicou finalmente que en materia de pesca o Ministerio que dirixe a socialista Rosa Aguilar, “acerta cando rectifica” e así por exemplo valorou moi positivamente que vaia a ser a conselleira do Mar Rosa Quintana quen estea presente, dentro da delegación Española, no próximo consello de Ministros da Unión Europea. O voceiro popular lembrou que cando se negociaron os límites de pesca para 2011 (TAC e cotas) en vez de ir o Goberno do Estado acompañado de Galicia “a comunidade con maior peso na flota europea” foi acompañado de Estremadura “unha comunidade sen mar, “e hoxe vemos e sufrimos as nefastas consecuencias desa decisión”. Balseiro Orol concluíu o seu alegato sinalando que “os únicos logros do Estado son posible cando vai da man de Rosa Quintana”
Resultaron gañadores na Categoría SUB 15: Los Reversos. Categoría Sénior: Doloringues. Entregaron as medallas os edís Alfredo Fernández e Adrián Arias. As actividades seguen o martes, 8 de xullo, coas Noites de Fútbol Praia.
Prolongarase ata a primeira semana do mes de setembro “co obxectivo de axudar na conciliación familiar e laboral ao longo de todo o verán”, explica a súa directora, Raquel Hermida. A Escola de Minitalentos, dirixida a nenos e nenas con idades comprendidas entre os 3 e os 12 anos, abre de oito da mañá a tres da tarde: “os asistentes poden incorporarse ás actividades e talleres ao longo da mañá”.
Tirando sempre de creatividade e imaxinación, tamén aproveitaron para saír a mercar froita ao Mercado que se celebra cada xoves na Praza dos Campos. Unha forma tamén de fomentar a alimentación saudable e a aprendizaxe activa.
Debido á instalación dos postos, non será posible realizar o sistema habitual de «quita e pon», polo que se instalarán contedores fixos nos puntos indicados no plano elaborado para tal fin. Ademais, colocaranse contedores de reforzo nas seguintes localizacións: Praza Maior. Rúa Irmáns Vilar Ponte. Rúa Fernández Victorio. O Concello agradece a colaboración da veciñanza e do sector hostaleiro no uso responsable dos contedores, recollida de residuos xerados nos espazos cedidos, así como que estes espazos sexan mantidos en condicións axeitadas.
O sábado a partir das 21h espectáculo de narración oral a cargo de Lîlâ Teatro coa obra "Estremonías da Silva" e á súa finalización, música tradicional con Os Carricantos. O domingo, toca sesión vermut da man de José Brea & Miguelón a partir das 13h, para disfrutar dun aperitivo antes do xantar. Como sempre, acompañado das tapas de Galiana e do mellor ambiente.
Trátase dunha homenaxe que as universidades públicas galegas en colaboración coa Consellería de Educación renden ao estudantado con mellores expedientes de Galicia nas probas de acceso á universidade, sendo necesario acadar nota igual ou superior a 8,5 na fase xeral da PAU. O acto celebrouse na Universidade de Vigo o pasado 20 de xuño, onde lles foron entregados os diplomas que os acreditan como alumnado sobresaínte. Dende o IES de Ribadeo, parabéns aos homenaxeados polos resultados acadados e tamén a tódolos compañeiros e compañeiras que superaron a PAU polo esforzo realizado.
De volta no obradoiro, estes verdadeiros artistas puxeron toda a súa creatividade para elaborar preciosos marcos personalizados. Cada marco é único, feito con moito agarimo e cun anaquiño da nosa costa.
