Nota de prensa
Manuel Fernández Valle será o número dous do PP burelés.
Os populares presentan mañán, xoves, a súa candidatura, que incorpora caras novas.
Barcia reinicia as reunións con colectivos.
Burela, 6 de abril de 2011.- O Partido Popular de Burela presenta mañán, xoves, ás nove da noite, no hotel Nordés, a súa candidatura para as eleccións municipais do día 22 de maio. No acto, de carácter absolutamente público, intervirá Jesús Vázquez, e será pechado coa intervención do presidente provincial dos populares, José Manuel Barreiro Fernández; tamén está prevista a asistencia de Raquel Arias.
O cabeza de lista dos populares, José María González Barcia, avanzou que o número dous será Manuel Fernández Valle, que xa foi concelleiro neste mandato municipal que remata. Fernández Valle é inxeñeiro técnico naval, tén trinta e seis anos e traballa na empresa armadora familiar, polo que é un perfecto coñecedor dos problemas do sector pesqueiro, co que evidentemente está mui vencellado.
Barcia indicou que a lista estará formada por un total de dezasete persoas, nove homes e oito mulleres, das que once son novas incorporacións á candidatura, o que demostra a fortaleza do partido, a súa capacidade de atracción de novas persoas que se suman ó proxecto dos populares e tamén a súa credibilidade.
O candidato dos populares indicou, ademais, que recentemente veñen de iniciar unha segunda rolda de reunións con colectivos e asociacións, concretamente coa Confraría, con ABSA, e co clube de baloncesto. Para mañán, xoves, está prevista unha reunión co Vencello e outra máis con colectivos de carácter social.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
