Nota de prensa:
O GPPP avoga pola optimización da execución orzamentaria da Deputación
Con este obxectivo, levarán mañá ó pleno unha moción na que propoñen a elaboración dun plan de seguemento encamiñado a elevar o grao de cumprimento presupuestario e, consecuentemente, a eficacia da propia administración provincial sobre todo no que atinxe a investimentos productivos.
Os populares defenderán tamén outra iniciativa para que o goberno central cumpra os compromisos adquiridos cos productores fotovoltaicos no senso de suavizar as medidas retroactivas que pretende aplicar sobre á retribución que perciben polas instalacións solares
Lugo, a 25 de abril de 2011.- O Grupo provincial do Partido Popular levará ó pleno que se celebrará mañá unha moción na que insta á Deputación a elaborar un plan de seguemento e optimización da execución orzamentaria, co fin de supervisar o gasto da institución provincial e elevar o grao de execución dos investimentos reais.
Os populares entenden que a “eficacia” dunha administración pódese medir polos seus niveis de execución do orzamento, especialmente no que atinxe ós apartados de inversións reais e transferencias de capital. E é a través da execución eficiente do presuposto como unha administración pública pode colaborar na tarefa de reactivación da actividade económica ó tempo que colabora na xeración de emprego.
Nembargantes, lembran dende o GPPP, a execución do orzamento da Deputación de Lugo nos últimos tres anos foi moi deficiente. No 2008 foi do 46,7%, no 2009 foi do 54,94% e no 2010 quedou nun 46,9%. Cifras que aínda resultan peores se se circunscribe á execución do gasto productivo, pois nos capítulos de inversións reais e de transferencias de capital a institución provincial só executou de media un tercio das partidas previstas.
Os populares consideran que é imprescindible mellorar os niveis de execución do presuposto para que a Deputación se poida convertir nun elemento dinamizador da economía lucense.
O GPPP tamén levará ó pleno outra iniciativa coa que pretende que a administración provincial inste ó goberno central a eliminar da regulación sobre ó sector fotovoltaico as medidas que incrementen a inseguridade xurídica, tales como os recortes retroactivos previstos á retribución das instalacións solares ou, no seu defecto, adoptar as modificacións desas medidas retroactivas nos termos nos que se comprometeu o ministro de Industria o pasado 10 de marzo.
Explicitan os populares que as medidas adoptadas polo goberno en relación co sector fotovoltaico no Real Decreto-lei 14/2010 establecen, entre outros elementos, fortes recortes retroactivos á retribución das instalacións solares existentes. Tales medidas conlevan gran inseguridade xurídica e un caos regulatorio que, para os populares, provocará un alto dano económico e un duro golpe á viabilidade de numerosas instalacións, afectando especialmente ós pequenos productores.
Salientan dende o GPPP que na provincia de Lugo hai máis de dúas mil familias afectadas por estas medidas do goberno e que o pasado 10 de marzo o ministro de Industria comprometeuse cos representantes do sector a adoptar unha serie de medidas para suavizar eses recortes retroactivos. Sen embargo, a día de hoxe, o Ministerio aínda non cumpríu o seu compromiso.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
