Nota de prensa
Deputación e Concello apostan por Viveiro como referente en España da música alternativa
– Entidade provincial e local colaboran no festival Viveiro Hardcore Assault!, que organizaron catro mozos do municipio mariñano para este venres, ás 22.00 horas, no Casino Club Náutico da cidade
– O certame naceu a raíz do interese de dúas bandas italianas por tocar en Viveiro, o que demostra a sona que xa ten a localidade como un dos epicentros do país desta corrente musical
– As entradas, a un prezo de 5 euros, poranse á venda xusto antes do evento, que inclúe o sorteo dunha cesta de roupa entre os asistentes
O Concello vivariense é o berce dunha nova iniciativa cultural: o Viveiro Hardcore Assault! Promovido por catro mozos do municipio mariñano, o festival conta coa colaboración da Deputación de Lugo e o Concello, que apostan así por consolidar Viveiro como referente en España da música alternativa, unha sona que queda demostrada na mesma orixe do certame, pois os organizadores animáronse a poñelo en marcha cando dúas bandas italianas lles pediron axuda para facer un concerto na cidade do Landro, o único lugar da Península ó que querían ir, xunto con Xirona, dentro da súa xira por Europa. Non era ademais a primeira vez que algún grupo lles solicitaba axuda para montar unha actuación na zona.
O alcalde viveirense, Melchor Roel, e o portavoz dos organizadores, Fabio Fernández, presentaron este mércores na Fundación TIC o certame, que terá lugar o venres, ás 22:00 horas, no Casino Club Náutico, entidade que cede de xeito gratuíto o local e material técnico. Neste senso, Roel subliñou que “esta é unha iniciativa da xuventude de Viveiro en torno a un panorama musical do que o noso Concello xa é un referente en Europa. Xa fai uns anos, en 2006, comezouse cun concerto de Hardcore a nivel local e hoxe grazas ó traballo dos xóvenes que apoiaron este proxecto somos referencia desta nova forma de entender a música. Agora a Deputación e o Concello damos un novo impulso a esta iniciativa e a un novo espazo musical”.
As entradas teñen un prezo de 5 euros e poñeranse á venda antes do acto. Os promotores –que, ademais de Fabio Fernández, son Iago Salgueiro, Eric Gómez e Guille Vázquez- agradecen o apoio de Deputación e Concello, así como do propio Casino e dos establecementos comerciais e empresas de Viveiro para levar adiante o evento, unha axuda que incluso superou as súas expectativas e levounos a ampliar as dimensións do festival, pasando das tres bandas inicialmente previstas a catro. As firmas colaboradoras son: Pizzería Pizzbur, La Family, Cervecería Vikinga Punto Galego, Sixties, Mesón A Fonte, Restaurante La Paz, Complejo Hotelero Las Sirenas, Pub Punto y Aparte, Bar Galeón, Parrillada Tomás, Bodegas Ribeirao, Pub Copas, Moda Jim, Quasar, Peluquería Lourdes Calvo, Panadería Novo e THC (que sorteará unha cesta con artigos de roupa entre os asistentes).
Un equipo de alumnos e profesionais da Fundación TIC, dependente do organismo provincial, gravará os concertos, que serán ofrecidos polas seguintes bandas:
– “For Ophelias Death”: Procedentes de Lisboa, dan en Viveiro o seu primeiro concerto na comunidade galega. Os lusos participaron no concurso de bandas para tocar no Resurrection Fest e chegaron á final, polo que están a espera de saber se acoden a este certame, que se celebra a finais de xullo.
– “New Reason”: Cinco mozos de Viveiro compoñen este grupo, que actúa dalgún xeito de anfitrión, pois tres dos seus integrantes forman parte da organización do festival.
– “Daily Grind” e “Blasting Enema”: Son as dúas bandas italianas que lle solicitaron axuda ós mozos viveirenses para montar un concerto na cidade do Landro, a única cidade española na que actuarán, xunto a Xirona.
Polos pequenos concertos
O Viveiro Hardcore Assault! nace co propósito de aumentar a sona que xa ten o Concello mariñano como epicentro no país desta corrente musical, consecuencia da repercusión do Resurrection Fest – considerado un dos grandes de Europa e que na edición do pasado verán reuniu a 13.000 persoas- pero tamén do gran número de grupos deste estilo existentes na zona. O obxectivo é fomentar a organización de pequenos concertos con asiduidade, igual que ocorre noutros núcleos do hardcore en Galicia, como A Coruña e Vigo, para que as bandas que non teñan a oportunidade de participar no Resurrection Fest poidan mostrar a súa música igualmente en Viveiro.
O evento serve deste xeito para achegar grupos estranxeiros á comarca da Mariña, pero tamén para evitar a desaparición dos concertos a pequena escala en Viveiro, tralo peche de salas axeitadas como unha que había no porto e o “Txiri” –que foi traspasado-. Ademais, dá á propia banda viveirense “New Reason” a oportunidade de tocar diante do seu público, “demostrando que también sabemos darlo todo sobre el escenario”, apuntaron os seus integrantes.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
