Nota de prensa
Televisións autonómicas e estatais difunden a Gala Lvcvs Moda
– Galicia enteira poderá ver integramente a segunda gala da moda lucense o vindeiro luns, 18 de abril, ás 22:00 horas, en Popular TV
– Os cidadáns de Vigo, A Coruña, Pontevedra e Santiago xa puideron comprobaron a calidade textil da provincia logo da emisión do evento na súa totalidade en Localia Galicia
– Uns dos programas de maior audiencia en Tele 5 e TVE, son o caso de “Sálvame” e “Corazón Corazón”, tamén fixeron eco da Gala Lvcvs Moda nos últimos días
– Os deseñadores lucenses participantes no evento destacan o aumento das visitas ós seus establecementos, así como o incremento das súas vendas, dende a celebración da gala
A Gala Lvcvs Moda que Deputación e Concello de Lugo celebraron o pasado xoves no Círculo das Artes da capital cun éxito de asistencia de máis de 600 persoas, segue a ser contido de canles de televisións autonómicas e estatais. A presentación en primicia dos máis de 100 modelos exclusivos confeccionados para a ocasión polos 6 deseñadores e 14 artesáns lucenses participantes, está a causar o interese de medios de comunicación de toda España.
Deste xeito, toda a Comunidade poderá ver integramente o evento este luns, 18 de abril, ás 22:00 horas, en Popular TV. Pola súa banda, Localia Galicia, nas súas delegacións en Vigo, A Coruña, Pontevedra e Santiago de Compostela, xa mostrou a todos os seus telespectadores a calidade textil da provincia.
A segunda gala da moda lucense foi ademais tema tratado esta semana nun dos programas de maior audiencia en Tele 5. O magazine “Sálvame” destacou o apoio ós deseñadores e artesáns lucenses de Victorio&Lucchino, -padriños do evento que foron nomeados embaixadores da cidade lucense-, Lucía Pérez, -artista lucense que recibiu a Insignia de Ouro da provincia-, e a actriz María Castro, -presentadora da gala-,
En TVE, o espazo de sociedade “Corazón Corazón”, tamén salientou o feito de que, sumando esforzos coa Deputación e o Concello de Lugo para impulsar ó exterior o traballo dos profesionais do sector textil da provincia, a representante española en Eurovisión decidise que a súa última actuación no país, antes de comezar coa súa xira por Europa e participar en dito certamen musical, fose na gala Gala Lvcvs Moda.
Da mesma forma, a axencia de noticias Europapress TV remitiu as imaxes a 900 dos seus clientes, para a súa emisión en espazos da Sexta, Cuatro e Antena 3. O Centro de Contenidos (CTC), -empresa pioneira e líder no sector de distribución audiovisual para TDT en España-, incluíu a Gala Lvcvs Moda entres as súas máis de 5.000 horas de programas. Deste xeito, 40 canles de televisión de todo o país poderán difundir o evento. Trátanse de: Telelugo, GTM Murcia, Oviedo TV, TCYL (Valladolid), Aqui TV (Cantabria), Canal Antena Cáceres, Tele Huesca, ZTV (Zaragoza), Canal Fuengirola, Canal Localia Coruña, Canal Localia Pontevedra, Canal Localia Vigo, Canal Luz Huelva, Cana 4 (Navarra), Canal La Comarca TV (Teruel), Cablemel TV (Melilla), Cancionero TV (Córdoba), Teledonosti (San Sebastián), 10 TV (Asturias), TVR (Rioja), Canal Bilbovisión (Bilbao), Canal D`EIVISSA I FORMENTERA, Albacete TV, Canal Nuevo TV (Canarias), TeleSalnés (Pontevedra), Onda Radio Navia (Luarca), Levante TV, Información TV (Alicante), Málaga TV, Canal 21 La Opinión (Granada), Canal Producciones Conquenses de TV (Cuenca), Correos TV (Santiago), Telesevilla, Canal TEA TV Pontevedra, RTV Insular Canaria, Canal La Verdad Radio Tv, Onda Azul Málaga RTVM, Canal Luz Sevilla, Canal TMV Valencia, e Popular Tv.
Aumento nas vendas
Dende a celebración da segunda gala da moda lucense, os deseñadores da provincia participantes aseguran que están tendo máis visitas nos seus establecementos, polo que tamén están a lograr un incremento nas súas vendas. Todos os modelos vistos na pasarela Lvcvs, así como os lucidos por María Castro e Lucía Pérez, atópanse expostos nos seguintes puntos da capital: Galerías Prazas de Campo Castillo número 10 (Luis Areñas by Manuela López); Santo Domingo número 24 (INPE); rúa San Froilán número 44 (Montse Arias); e rúa Armañá número 16 (Sara Lage y Maru Calderón).
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
