Nota de prensa
NO BNG APOSTAMOS POLOS SERVIZOS SOCIAIS E COMPROMETÉMONOS A XESTIONAR A CONSTRUCIÓN DUNHA NOVA ESCOLA INFANTIL
Porque o noso labor no goberno municipal tivo e terá como obxectivo primordial o benestar social, dende o BNG nestes catro anos, ampliamos e melloramos os nosos servizos sociais municipais cunha serie de medidas moi concretas:
integramos a nosa escola infantil na Rede Galega para mellorar os seus servizos e os seus recursos: máis persoal, mellores servizos e menos custo para as familias usuarias e arranxo da cuberta do edificio principal
estendemos ao máximo o servizo de axuda no fogar: de sete persoas hai catro anos, agora hai dez auxiliares atendendo este servizo
implantamos o servizo de “Xantar na Casa” para os nosos maiores e promovemos talleres de memoria, envellecemento saudable, ximnasia preventiva e fisioterapia
creamos unha Aula da Familia na Casa da Cultura con cursos de preparación ao parto, con talleres de masaxes para bebés, con melloras materiais en Preescolar na Casa e posibilitando un punto de encontro de lactancia materna
promovemos programas de educación familiar para axudar a previr confitos no seo da familia
posibilitamos a conciliación da vida laboral e familiar con actividades educativas e de lecer durante o curso e nos períodos vacacionais
suprimimos as barreiras arquitectónicas nas nosas instalacións culturais
desenvolvemos dende o Centro de Información á Muller cursos, actividades de lecer e de formación para as mulleres de Burela e coordinamos un protocolo de actuación en casos de violencia de xénero (con especial atención neste campo á sensibilización da mocidade)
E para os vindeiros catro anos traballaremos nun plan municipal de integración, continuaremos coa mellora dos servizos sociais para os nosos maiores, revisaremos a política fiscal municipal para o apoio ás familias e aos colectivos máis específicos, xestionaremos a posta en marcha do Centro de Día para persoas discapacitadas psíquicas, impulsaremos programas municipais de voluntariado, intermediación social e inserción laboral para persoas discapacitadas e xestionaremos a creación dunha nova escola infantil municipal
Por certo, é curioso que agora o PP de Burela e a súa organización xuvenil de Novas Xeracións se acorde estes días da mocidade de Burela reclamando medidas e actuacións para este colectivo cando o pasado sábado día 7 houbo en Burela un debate sobre mocidade e igualdade (incluída a problemática de violencia de xénero que comeza a ser preocupante entre a xente nova), no que participaba a coordinadora de igualdade de Novas Xeracións de Galiza, e ninguén do PP nin das Novas Xeracións de Burela estivo presente. Esa é a importancia que lle dá o PP e as súas Novas Xeracións á mocidade e á igualdade. Debía de ser máis importante estar acompañando ese día ao conselleiro da Presidencia que estaba en Burela.
Co gallo do día das Letras Galegas, levarase a cabo un Obradoiro de oralidade das mulleres. Empregaranse as ferramentas do ciclo do ano e ciclo vital e farase percorrido polos cantares de tradición oral e os contextos nos que se producen. Branca Mª Villares Naveira dirixe este obradoiro; ela é docente de música tradicional galega na especialidade de canto e as percusións de man, con mais de 25 anos de bagaxe na investigación, tamén é divulgadora da tradición oral das mulleres galegas. Terá lugar este xoves, día 15 de maio no Salón de Actos do centro ás 16:30 horas. Máis información e matrícula: https://
Na presentación do cartaz participou o alcalde, Demetrio Salgueiro, acompañado das concelleiras Dolores, Cristina e Tamara e dos membros da Comisión de festas Benigno, Carlos, Borja e Dalmacio. Todxs convidan a veciños/as e visitantes a desfrutar deste día de alegría e facelo vestidxs de branco.
Este xoves 15 de maio, ás 20:30h na Libraría Bahía de Foz celebrarán as letras galegas coa presentación do libro 'Bóveda, memoria do lugar' a cargo do seu autor, Óscar Górriz. Trátase dun libro de recollida etnográfica e musical con textos e fotografías. Haberá tamén música de pandeireta arrufando a presentación. Ademais o venres haberá un 10% de desconto en todos os libros escritos en galego, para celebrar as nosas letras e promover a compra de libros na nosa lingua.
A mañá do domingo 18 Guía tu día organiza a ruta da Seimeira no concello da Pontenova. "Unha interesante andaina de 9km circular e de dificultade media ubicada na parroquia de Bogo, onde descubriranse as pintorescas aldeas de Vilarxurbín e Sanxés, varios miradores e a seimeira. Ademais das Fragas de Teixido e Sanxés que son espectaculares" comenta a guía. A xornada rematará cunha comida no restaurante O Lar de Balbina. O prezo da ruta guiada é de 10€ e 20€ a comida. O grupo está limitado a 20 persoas. Máis información e reservas no 654 99 68 57 ou guiatudia@gmail.com.
Na presentación, este luns, participou Leandro Quelle e Rubén Rubiños como membros da Asociación Equina A Medela, organizadora da feira, acompañados polo alcalde, Demetrio Salgueiro, e a concelleira de agricultura, Dolores Meitín. Dende o Concello de Xove convidan a toda a veciñanza e tamén a todos aos afeccionados/as ao mundo do gando a que se acheguen disfrutar dunha xornada familiar dende as 9.30, con importantes premios e sorteo dun poldro.
Unhas xornadas participativas nas que se abordarán temas moi interesantes para o consumidor baixo o epígrafe "Consumo en Ruta" en colaboración coa Xunta de Galicia e da asociación Xubilados Terramar. O primeiro será este mesmo martes, 13 de maio, baixo o título: Coñece os teus dereitos como consumidor. Será ás 18:30 horas. No local social da asoc de Xubilados Terramar, na Casa do Mar.
Este domingo compartiu unha emotiva comida coa súa familia e recibiu tamén a visita do alcalde, Demetrio Salgueiro, e da concelleira de Servizos Sociais, Tamara Soto, que lle transladaron os seus parabéns. Un século de vida, historias e sabedoría compartida. Un día inesquecible rodeado de agarimo.
