Nota de prensa:
As actividades de Lugoteando no Miño e a Costa atraen a veciños da Coruña, Ferrol, Santiago e Pontevedra
– Esta fin de semana arranca en Lugo o exitoso programa de ocio ecolóxico impulsado pola Deputación, no que os interesados poden reservar as últimas prazas chamando ós números de teléfono 982.12.00.64 ou 609.90.32.11
– A oferta inclúe wakeboard –a opción máis demandada, cun 90% das prazas xa cubertas-, paddle surf, bolas acuáticas, sea-scooter, xogos, rutas pola ribeira do río, kite surf, paseos en batuxo e circuítos en monopatín eléctrico
– Tamén volve a modalidade Ligoteando, con románticos paseos en catamarán e batuxo, combinados con música, maxia e degustacións de produtos autóctonos
O programa de actividades lúdico medioambientais Lugoteando organizado pola Deputación en colaboración co Concello lucense está tendo unha grande aceptación entre os veciños de toda provincia, pero tamén do resto de Galicia, pois recibíronse inscricións de persoas da Coruña, Santiago, Ferrol e Pontevedra. Este interese pon de manifesto o éxito da novidosa iniciativa de ocio ecolóxico, que nesta segunda edición, ademais de no río Miño, celebrarase na comarca da Mariña. Neste sentido, destaca que moitos veciños da cidade se están inscribindo nas actividades da Costa, pero tamén un gran número de mariñanos se anota para ir ás de Lugo.
Na capital lucense, as actividades arrancan esta fin de semana e continuarán os días 21, 22, 28 e 29 de maio e o 4 e 5 de xuño. Os interesados en participar poden reservas as últimas prazas chamando ós números de teléfono 982.12.00.64 ou 609.90.32.11. A práctica do wakeboard é a máis demandada, de feito o 90% das prazas xa están cubertas, polo que as persoas que desexen gozar desta combinación entre esquí acuático e snowboard na que hai manter o equilibrio sobre unha táboa deben anotarse canto antes.
A gran acollida do programa demostra que é posible o aproveitamento do río Miño e o seu entorno como una verdadeira oportunidade económica para a cidade, unha aposta que fan a Deputación e o Concello con Lugoteando, pero tamén coa posta en marcha do Plan Director do cauce fluvial, co traslado e ampliación da UNED no antigo hotel Miño, a nova ponte sobre o río, a construción da pasarela peonil xunto ó Club Fluvial ou as próximas expropiacións fronte a Arias Nadela para completar o Paseo do Miño.
A oferta programada está dirixida a toda familia e custa 5 euros por persoa para potenciar a participación. Nela mantéñense as propostas de maior aceptación do ano pasado: bolas e bananas acuáticas para flotar sobre a auga; os sea-scooter para mergullarse como golfiños; rutas pola ribeira dirixidas por expertos en bioloxía; xogos infantís acuáticos; paddle surf, que tonifica todos os músculos ó remar a bordo de táboas de surf, e wakeboard.
A todas elas, incorpóranse novidades como a práctica de kite surf, unha variante espectacular deste deporte que non deixa de gañar adeptos na provincia e que incorpora cometas; paseos en batuxo –antigas barcas de madeira hoxe moi difíciles de ver- e circuítos por terra en monopatíns eléctricos.
Esta serie de propostas desenvolveranse en Lugo e tamén nas praias mariñanas. Na Costa terán lugar en xuño: os días 11 e 12 Foz; 18 e 19 en Burela, e 25 e 26 en Ribadeo. Celebraranse en quendas no horario de 11:00 a 14:00 e de 16:00 a 19:00.
Tres alternativas de Ligoteando
Por outra banda, o programa inclúe de novo a modalidade Ligoteando, que tamén arranca esta fin e semana. Ten como escenario o río Miño, pero esta vez oferta tres novas versións. As veladas comezarán ás 20:00 horas:
– Paseos Chill Out: travesía en catamarán amenizada por un Dj con música chill out, pinchos e degustación dun cóctel elaborado con produtos autóctonos da provincia. Días: Este venres, día 13; o 27 de maio e o 4 de xuño. Prezo: 15 euros.
– Noites Máxicas: paseo en catamarán cun espectáculo de ilusionismo e maxia, máis degustación de pinchos. Días: Este sábado, día 14; e o 21 de maio. 15 euros.
– Paseos Románticos en batuxo: experiencia de 30 minutos nun batuxo tradicional no que a parella gozará dun paseo polo Miño, conducida por un remeiro, e degustará un cóctel de produtos autóctonos. Días: 20 e 28 de maio. Prezo: 10 euros
O pago das cotas de inscrición poderase efectuar previamente na conta bancaria de Banesto: 0030-7060-30-0298064273 co concepto Lugoteando, ou antes de cada actividade. Pódese obter máis información en: www.deputacionlugo.org ou www.lugo.es ou chamando ó teléfono de información municipal 010 do Concello de Lugo. No caso dos menores de idade, terán que presentar unha autorización asinada dos pais ou titores, que poden descargar nas web.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
