Nota de prensa:
O CONCELLO HABILITARÁ UNHA OFICINA NO LOCAL SOCIAL DE CABARCOS CO FIN DE AXUDARLLES AOS VECIÑOS A TRAMITAR AS AXUDAS CONVOCADAS POLA XUNTA PARA A REPARACIÓN DE VIVENDAS UBICADAS NO CAMIÑO NORTE.
Barreiros, 19 de maio de 2011. O Concello habilitará unha oficina no local social de Cabarcos co fin de axudarlles aos veciños a tramitar as axudas convocadas pola Xunta para a reparación de vivendas ubicadas no entorno do Camiño Norte. O alcalde de Barreiros, Alfonso Fuente, tildou de moi interesante esta medida.
O rexedor explicou que “despois do anuncio feito pola Xunta de que subvencionará a reparación de vivendas que estean no entorno do Camiño Norte, o que imos facer no Concello para facilitar a labor de tramitación é habilitar unha oficina no local social de Cabarcos. Será no momento no que quede publicado no Diario Oficial de Galicia”.
Fuente Parga sinalou que “o obxectivo é axudar aos veciños a tramitar estas axudas dado que son moi interesantes, porque fálase de 5.000 euros a fondo perdido ou o 75% do investimento con ese límite dos cinco mil euros para adecentar e arreglar todas esas vivendas que, tanto estean ocupadas ou en aluguer, poidan mellorar o entorno do Camiño Norte”. Ao equipo de goberno de Barreiros parécelle interesante esta convocatoria “e o que queremos é apoiar a todos eses veciños para que poidan tramitar esas axudas achegándolles o que é a administración a eles”.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
