Nota de prensa:
ASFALTAN AS RÚAS DO COBO, DO XUNCO E A AVENIDA DA MARIÑA DESPOIS DE REMATAR AS OBRAS DE MELLORA DON SUBMINISTRO DE AUGA, SANEAMENTO E A INSTALACIÓN DA FIBRA ÓPTICA E GAS ÁS VIVENDAS SITUADAS NESTAS VÍAS
O mercado semanal de San Ciprián trasladarase a partir de mañá á nova praza dos Campos
Cervo, 11 de maio de 2011.- O alcalde de Cervo, Alfonso Villares, anunciou que nestes días estanse acometendo os traballos para aglomerar o firme da Rúas do Xunco, Rúa do Cobo e dun tramo da avenida da Mariña. O rexedor explicou que a rexeneración destas vías faise tralo remate das distintas actuacións que o Concello leva facendo neste último ano para mellorar e ampliar as redes subterráneas de subministro de servizos ás vivendas que alí se sitúan. “Unha vez que finalizaron os traballos de modernización das canalizacións de subministro de auga e de saneamento, e se instalaron as novas redes de subministro de gas e de fibra óptica é cando imos a levar adiante a rexeneración do firme destas rúas porque consideramos que é o momento máis axeitado para facelo. Deste xeito evitamos ter que estar constantemente abrindo e pechando gabias” recalcou o rexedor que tamén puntualizou que a rexeneración do firma nas rúas do Cobo e Xunco obedecen a un convenio subscrito polo Concello coa empresa Gas Galicia, mediante o cal dita subministradora se fará cargo dos custes destes asfaltados. .
Troco de ubicación do Mercado semanal en San Ciprián
Villares tamén anunciou que a partir de mañá, xoves, o mercado semanal de San Ciprián trocará a súa ubicación cara á nova Praza dos Campos, aberta ó público a pasada semana. O alcalde cervense recordou que esta praza foi ideada como lugar de encontro de tódolos veciños e como lugar onde podan ter cabida celebracións ou actos que congreguen a un importante numero de xente como é o caso do mercado semanal.
O alcalde indicou tamén que para levar adiante este traslado dos postos ao seu novo emprazamento o Concello -a través da Policía Local e do servizo municipal de Protección Civil- ten xa preparado un completo dispositivo. “Dende as 7.30 da mañá membros da Policía Local e de Protección Civil estarán listos nos arredores para ir distribuíndo aos comerciantes que participan semanalmente no mercado. Esta distribución será de momento provisional e diso xa están avisados dende hai unha semana os propios comerciantes que tradicionalmente acoden a este mercado. Creemos necesario dar un prazo dunhas catro semanas como mínimo para ver cal é a maneira máis axeitada de situar os distintos postos, e unha vez transcorrido ese período de proba, fixaremos definitivamente a configuración do mercado tendo en conta as opinións dos comerciantes e outros factores como a seguridade ou o tráfico de transeúntes”.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
