Nota de prensa
O Observatorio da Mariña pola Igualdade denuncia que no Hospital da Costa as mulleres non teñen garantido o dereito á interrupción voluntaria do embarazo
O Observatorio da Mariña pola Igualdade denuncia que o Hospital da Costa non está a realizar ningunha interrupción voluntaria do embarazo (IVE), a pesar da entrada en vigor en xuño do pasado ano da Lei Orgánica de saúde sexual e reprodutiva e da interrupción voluntaria do embarazo 2/2010 de 2 de marzo 2010. Esta información foi corroborada pola dirección médica do centro hospitalario mariñán. A mesma situación é a habitual en todos os hospitais públicos da provincia de Lugo, e contrasta coas boas prácticas que se levan a cabo noutros hospitais do SERGAS, como os de Vigo ou Ourense, onde si se practican este tipo de intervencións reguladas por unha lei estatal aprobada hai xa máis de un ano.
No contexto comarcal, e segundo manifestaron ao Observatorio algunhas das demandantes desta intervención, a tendencia habitual é que cando unha muller acode ao COF de Burela porque desexa interromper un embarazo, e cumpre con todos os requirimentos contemplados na lei, desde o COF derívase á muller a unha clínica privada da Coruña coa que o SERGAS posúe un concerto. Deste xeito, a secuencia dunha muller que queira interromper un embarazo na provincia de Lugo é, en primeiro lugar, acudir ao COF de referencia, onde lle entregan un sobre que contén información sobre o IVE e sobre as prestacións que a Xunta lle ofrece en caso de non abortar. Despois dos tres días que a muller debe tomar para meditar sobre a súa decisión, dáselle cita de novo. Nesta segunda visita, se a muller confirma a súa decisión de interromper o embarazo, ten que asinar unha autorización. En terceiro lugar, a muller ten que ir do COF á inspección médica, indícanlle a clínica privada á que ten que acudir, e cúrsanlle unha orde de asistencia para que na clínica privada non lle cobren. A muller deberá despois acudir a esta clínica da Coruña. Ás dúas semanas, citarana para unha revisión na consulta de xinecoloxía no COF.
Discriminación das mulleres
Estas prácticas deixan ás mulleres da Mariña, e da provincia de Lugo en xeral, nunha situación de discriminación, xa que se lles obriga a desprazarse á Coruña, co esforzo económico e de tempo que iso supón, máxime no caso de mulleres que teñan que facer uso do transporte público. Estaríanse deste xeito a vulnerar as disposicións xerais do Real Decreto 831/2010, de 25 de junio, de garantía de la calidad asistencial de la prestación a la interrupción voluntaria del embarazo, que no seu artigo 1 contempla a garantía a todas as mulleres por igual do acceso á prestación sanitaria da interrupción voluntaria do embarazo, con independencia do lugar onde residan.
Cartos públicos para clínicas privadas
Este comportamento irresponsábel tamén ten efectos nefastos sobre toda a poboación, xa que se lle está a pagar con cartos públicos ás clínicas privadas para que realicen unhas intervencións que deben estar incluídas na carteira de servizos que marca a lei. Trátase dun comportamento irresponsábel que leva ao enriquecemento das clínicas privadas en detrimento da sanidade pública.
Desde o Observatorio denúnciase que esta situación leva ao absurdo de incorrer nun dobre gasto: págaselle ao persoal médico da sanidade pública o seu soldo íntegro (pese a non desempeñar todas as funcións que a lei marca) e a maiores págaselle ás clínicas privadas para que fagan un traballo que os propios centros hospitalarios públicos inclúen na súa carta de servizos. Isto resulta especialmente chocante e contraditorio coas políticas de aforro, austeridade e contención do gasto público tantas veces anunciadas polas distintas administracións estatais e autonómicas.
A posición do Observatorio é que un bo xeito de aforrar gastos innecesarios é garantindo o dereito ao aborto na sanidade pública nos termos que marca a lei, sen ter que pagarlle a clínicas privadas e dificultarlle a vida ás mulleres que teñen que ausentarse do traballo varios días e desprazarse polos seus propios medios á Coruña.
Por todo o anterior, desde o Observatorio da Mariña pola Igualdade esiximos a asistencia das mulleres dentro do hospital público da Mariña de xeito que todas as mariñás, lucenses e galegas teñan garantido o dereito a decidir interromper un embarazo na rede sanitaria pública – en cumprimento da Lei estatal que leva xa máis dun ano aprobada e case un ano en vigor – sen riscos para a súa saúde e sen ter que destinar cartos públicos ao enriquecemento das clínicas privadas.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
