O PP celebrou mitins no Valadouro e Alfoz chamando ao voto útil

Nota de prensa

O secretario xeral dos populares lucenses chamou ao voto útil o vindeiro 22 de maio para que nin Alfoz nin O Valadouro se convertan en instrumentos ao servizo do PSOE, BNG ou independentes para a confrontación coas administracións populares.
SÓ O PP GARANTE GOBERNOS ESTABLES QUE PODEN CUMPRIR OS SEUS PROGRAMAS

Durante os dous últimos anos a Xunta que preside Feijoo multiplicou os investimentos nestes dous concellos superando a cifra histórica dos nove millóns de euros, síntoma da boa sintonía cos gobernos locais do PP.

A Mariña, 18 de maio de 2011.- O secretario xeral do Partido Popular de Lugo, Jose Manuel Balsiero Orol participou no día de hoxe en dous mitins que ofreceron as formacións políticas populares dos concellos de O Valadouro e Alfoz. O dirixente popular sinalou que só o PP garante gobernos estables capaces de cumprir os seus programas e insistiu na importancia do voto útil que, o 22 de maio, pasa única e exclusivamente polo Partido Popular. “Socialistas e nacionalistas empregan os poucos concellos nos que gobernan máis para rifar e facer oposición á Xunta que para buscar inversións, infraestruturas e servizos positivos para aos seus veciños. Nin Alfoz, nin O Valadouro merecen isto. Merecen un goberno popular, con boa sintonía coa Xunta que preside Feijoo, coa futura deputación popular e co Goberno do Estado, que en menos dun ano todo apunta estará presidido por Mariano Rajoy”

Jose Manuel Balseiro explicou que durante os dous últimos anos a Xunta que preside Alberto Núñez Feijoo multiplicou os investimentos nestes dous concellos superando a cifra histórica dos nove millóns de euros, “síntoma da boa sintonía cos gobernos locais do PP e do bo facer dos seus respectivos equipos de goberno”. No tocante ao Valadouro cómpre relevancia as achegas do fondo de compensación ambiental –creado polo goberno de Feijoo para compensar os aproveitamentos eólicos- cos que acometeron a rexeneración e creación do paseo fluvial no río Ferreira. Outro dos investimentos máis salientables foron os apoios do IGAPE a distintas empresas sitas no municipio, e que supuxeron un investimento próximo aos 500.000 euros. En Alfoz o cambio de Goberno en Galicia, tras a derrota do bipartito, propiciou o incremento do plan municipal de servizos sociais (plan concertado), o investimento en materia de emprego, coa posta en marcha escola obradoiro e distintas melloras nas parroquias do rural.

Jose Manuel Balseiro indicou no Valadouro que sumarse á formación política independente é tanto como “perder o voto”, xa que carece de apoios en Lugo, en Santiago e en Madrid capaces de levar adiante moitos dos compromisos pendentes. E no caso de Alfoz “o PP representa o bo facer do pasado, o impulso necesario no presente, e é a única garantía de futuro”