Nota de prensa
Emma Álvarez e Jose Manuel Balseiro significan que o Goberno de Galicia baixo a presidencia de Alberto Núñez Feijóo fixo desta comarca unha área de investimentos prioritaria a xuizo das moitas actuacións desenvolvidas ata o ecuador da presente lexislatura
O grupo popular salienta que a mariña lucense recibiu da xunta nos últimos dous anos de goberno o maior investimento da súa historia
Os deputados populares cuantifican en 204 millóns de euros o esforzo inversor do Goberno autonómico no conxunto dos concellos da Mariña.
Fan fincapé en que a pesar da crise e tamén, como consecuencia dela, as consellerías que maiores achegas efectuaron nestes dous últimos anos son Economía e Industria (97,07M€), Mar (28,85M€), Medio Rural (26,68 M€) e Medio Ambiente Territorio e Infraestruturas (20,70M€)
A apertura dos parques de bombeiros de Viveiro e Barreiros, o inicio por primeira vez das obras nun tramo lucense do corredor, as obras pendentes do hospital e os investimentos nos portos, no impulso ao comercio e ás empresas e a aposta polo sector agrogandeiro principais actuacións desenvolvidas na metade do mandato
Burela, 6 de maio de 2011.- Os deputados do Grupo Parlamentario Popular Emma Álvarez e Jose Manuel Balseiro presentaron en rolda de prensa o balance dos investimentos da Xunta de Galicia ao chegar ao ecuador da lexislatura na Mariña lucense. Os parlamentarios significaron que nestes dous últimos anos de Goberno autonómico a Mariña recibiu o maior investimento da súa historia, proba do compromiso e do apoio que o Executivo que preside Alberto Núñez Feijóo está a dar a esta comarca.
Os deputados populares significaron que os datos demostran que a presidencia de Alberto Núñez Feijóo converteu á Mariña nunha comarca de investimentos prioritaria a xuizo das moitas actuacións desenvolvidas ata o momento e entre as que se inclúen grandes compromisos pendentes durante a etapa do bipartito como son a apertura dos parques de bombeiros de Viveiro e Barreiros, o inicio por primeira vez das obras da Via de altas prestacións da Costa Norte, entre San Ciprián e Celeiro, as obras na área de maternidade e noutros espazos do Hospital da Costa.
Álvarez e Balseiro explicaron que a crise caracterizou toda a actuación da Xunta de Galicia tanto no tocante as restriccións orzamentarias como, e de xeito moi especial, aos sectores que obtiveron un maior esforzo inversor por parte da Xunta: a pesca, o agro e sobre todo, o ámbito industrial e de comercio. De feito son as consellerías encargadas destas cuestións as que maior investimento achegaron ata a Mariña nos últimos dous anos, como é o caso da Consellería de Economía e Industria (97,07M€) –de xeito significado a través dos apoios do IGAPE- a Consellería do Mar (28,85M€) con diversos investimentos no ámbito dos principais portos comarcais, Medio Rural (26,68 M€) e Medio Ambiente Territorio e Infraestruturas (20.70M€), esta última no ámbito das estradas, e obras de saneamento e abastecemento.
Os deputados populares cuantifican en 204 millóns de euros o esforzo inversor do Goberno autonómico no conxunto dos concellos da Mariña. Con todo, tanto Emma Álvarez como Jose Manuel Balseiro indicaron que con estes novos datos aínda non se conforman, e cómpre seguir avanzando no ámbito do reequilibrio territorial. Ainda que o Goberno Feijoo significou un avance significativo, sobre todo en comparación cos anos escuros do bipartito, aínda é posible facer moito máis e o noso compromiso é situar á Mariña no lugar que lle corresponde co obxectivo posto en que tanto agora como cando remate esta lexislatura poidamos dar conta dun cambio a mellor que todos os veciños perciben e poderán percibir.
José Manuel Balseiro e Emma Alvarez describiron algunhas actuacións salientables, repasando as distintas consellerías e os distintos concellos desenvolvidas pola Xunta nestes dous últimos anos entre as que destacaron os investimentos en materia de educación (en colexios e institutos, moitos dos cales están a sufrir importantes reformas para a súa mellora), como consecuncia da aplicación do Fondo de Compensación Ambiental creado polo Goberno para favorecer principalmente aos concellos que teñen instalacións eólicas, ou as obras de emerxencia para corrixir os efectos dos temporais.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
