Nota de prensa:
RAQUEL ARIAS VISITOU O VALADOURO PARA FACER ENTREGA DE SEIS VIVENDAS SOCIAIS E MANTER UNHA REUNIÓN DE TRABALLO CO NOVO ALCALDE
A Xunta investiu 2,1 millóns de euros nesta promoción pública, composta por un total de 30 pisos
A delegada territorial e José Manuel Lamela Piñeiro abordaron actuacións e proxectos autonómicos no municipio do Valadouro
O Valadouro, 23 de xuño de 2011.- A delegada territorial da Xunta, Raquel Arias, fixo entrega hoxe das últimas seis vivendas que restaban por adxudicar dentro da promoción de 30 pisos construída en Ferreira do Valadouro, na que o Instituto Galego da Vivenda e Solo investiu un total de 2.144.158 euros.
As seis vivendas son adxudicadas en réxime de aluguer, con rendas mensuais que oscilan entre os 115,12 euros e os 141,12 euros. Todas dispoñen dunha superficie útil de 90 metros cadrados, a excepción dunha que mide 83,2 metros cadrados.
Raquel Arias estivo acompañada polo xefe territorial da Consellería de Medio Ambiente, Territorio e Infraestruturas, José María López Vega, e polo novo alcalde do Valadouro, José Manuel Lamela Piñeiro, neste acto ao que foi invitada a corporación municipal valadourense ao completo.
Deste xeito, a delegada aproveitou a ocasión para manter unha reunión de traballo co rexedor e informarlle dos principais plans de actuación da Xunta no concello, así como coñecer a marcha de proxectos que requiren do concurso de ambas administracións, como os investimentos do fondo de compensación ambiental.
O concello do Valadouro recibe este ano da Xunta de Galicia 189.400 euros a través deste fondo de compensación, que procede do canon eólico e permite aos concellos galegos beneficiarse directamente da explotación de enerxía eólica no seu territorio.
A contía asignada ao concello do Valadouro está en correspondencia co número de aeroxeneradores instalados no municipio e polo tanto resulta similar ao do pasado exercicio, cando permitiu levar a cabo a rexeneración da marxe dereita do río Ferreira e o acondicionamento da zona como paseo fluvial e área recreativa.
Arias referiuse a outras iniciativas que a Xunta desenvolve no concello, como varios proxectos de infraestrutura da Consellería de Medio Rural que serviron para acondicionar camiños en diversos núcleos de poboación e que sumaron un investimento de preto de 200.000 euros.
Igualmente, a Sociedade Pública de Investimentos de Galicia (SPI) realiza traballos de mellora da seguridade viaria e reforma de firme na estrada LU-162, entre Ferreira do Valadouro e Cangas de Foz, infraestrutura que conta cun investimento de 1,9 millóns de euros e está executada en máis do 60%.
A potenciación da riqueza forestal do concello é outro punto de actuación da Xunta, que distribuíu no Valadouro 103.500 euros a través da Dirección Xeral de Montes, tanto en accións de xestión directa como en subvencións aos propietarios dos montes.
No eido da creación de emprego, a delegada territorial lembrou que O Valadouro comparte con Alfoz –a través da Mancomunidade de Municipios Río Ouro- un obradoiro de emprego no que se forman 24 alumnos nas especialidades de operacións de formigón, instalación de elementos de carpintaría e xardinaría, proxecto ao que a Consellería de Traballo e Benestar destina 519.358 euros.
Igualmente, dentro da área social, destacou o esforzo da Xunta de Galicia por reforzar os servizos sociais, especialmente os destinados aos maiores e aos nenos. Ao respecto, lembrou que o actual Goberno autonómico creou 20 novas prazas de escola infantil no Valadouro.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
