Nota de prensa
RAQUEL ARIAS REUNIUSE CO NOVO PRESIDENTE DOS INSTALADORES ELÉCTRICISTAS PARA COÑECER AS PRINCIPAIS DEMANDAS DO SECTOR
A delegada subliñou o interese da Xunta en avanzar na administración electrónica para facilitar a tramitación de determinadas xestións aos profesionais do sector
Lugo, 20 de xuño de 2011.- A delegada territorial da Xunta, Raquel Arias, mantivo unha xuntanza co novo presidente da Asociación de Instaladores Electricistas (APIEL), Ramón Campos Rodríguez, que se fixo cargo desta entidade que agrupa a 130 asociados na provincia de Lugo.
A delegada puido así coñecer de primeira man a situación actual do sector, cales son os proxectos en marcha e as súas principais demandas, en especial no que se refire á actividade relacionada coa Xunta de Galicia.
Deste xeito, a Federación Galega de Instaladores Electricistas, da que é vicepresidente o propio Campos Rodríguez, e a Consellería de Economía e Industria estudan a posibilidade de realizar de xeito telemático determinados trámites administrativos que obrigan aos profesionais do sector a desprazarse ata as oficinas da Xunta. Ademais, a Federación pretende que as propias asociacións provinciais poidan cumprimentar eses trámites en nome dos asociados.
A delegada territorial sinalou o interese da Xunta en avanzar no emprego da administración electrónica para facilitar a realización de determinadas xestións aos cidadáns en xeral e ás empresas en particular. Este proceso, subliñou, “será tanto máis eficiente canto máis contemos coas suxestións e a implicación dos sectores implicados segundo o tipo de procedemento”.
Así mesmo, Arias asegurou que valorará a proposta de APIEL para colaborar na creación dunha páxina web que sexa un referente para o sector, de forma que se converta nunha ferramenta útil para estar informados tanto das novas relacionadas coa profesión como de bolsas de traballo e outras cuestións de interese.
Esta nova web podería habilitar tamén un servizo de compravenda de material a través de internet, orientado especialmente ao aproveitamento dos excedentes de obras. Ao mesmo tempo, serviría como escaparate dende o que as empresas e autónomos do sector puideran ofrecer os seus servizos.
A delegada comprometeuse a valorar estas e outras propostas apuntadas polo presidente da asociación, como a posibilidade de outorgar un certificado de calidade relacionado co cumprimento de determinadas obrigas.
Ao mesmo tempo, fixo referencia á recente publicación por parte do Instituto Galego de Seguridade e Saúde Laboral (Issga) dunha guía de boas prácticas en prevención de riscos laborais dirixida a electricistas e instaladores, da cal xa se distribuíron 450 exemplares entre os profesionais da provincia de Lugo.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
